افغانستان بوییچه انسان حقوقی ایرکین کمیسیونی نینگ اعلان قیلیشیچه، سرطان آی نینگ 4 کونیده عیاللر، ایرکک‌لر و باله‌لر شامل 32 تینچ اهالی هلاک و یره‌لنگنلر.
بوگون "پنجشنبه" اوشبو کمیسیون تامانیدن نشر قیلینگن خبرنامه‌ده ایتیلیشیچه، اوشبو رقم تینچ اهالی کابل، غزنی، بادغیس و ارزگان ولایت‌لریده هلاک و یره‌لنگنلر. خبرنامه‌گه کوره، سرطان آی نینگ 4 کونیده 10 تینچ اهالی هلاک و باشقه 22 تینچ اهالی یره‌لنگن دیر.
انسان حقوقی ایرکین کمیسیونی نینگ ایتیشیچه، اوشبو نهاد تامانیدن صورت تاپگن تیکشیریش‌لرگه کوره، سرطان آی نینگ 21- تاریخیده غزنی ولایتی نینگ جغتوی تومنیده بیر موتر نینگ جاده کناریده جایلشتیریلگن ماین بیلن دوچ کیلگنی عاقبتیده، 5 تینچ اهالی هلاک و باشقه 8 تینچ اهالی یره‌لنگن دیر.
کمیسیون نینگ کوپه‌یتیریشیچه، سرطان آی نینگ 24- تاریخیده کابل ولایتی نینگ سروبی تومنیده جاده کناریده جایلشتیریلگن ماین نینگ پارتلشی نتیجه‌سیده 2 تینچ اهالی هلاک و باشقه 11 تینچ اهالی یره‌لنگن دیر.
شونینگدیک، 19 سرطان ده بادغیس ولایتی نینگ آب‌کمری تومنیده جاده چکه‌سیده جایلشتیریلگن ماین نینگ پارتلشی عاقبتیده ایکی باله جان بیرگن.
انسان حقوقی ایرکین کمیسیونی گه کوره، 20 سرطان ده غزنی و ارزگان ولایتیده ایکی واقعه عاقبتیده؛ بیر باله جان بیریب و باشقه بیر باله شامل 3 کیشی یره‌لنگن.
ایتیلیشیچه، افغانستان بوییچه انسان حقوقی ایرکین کمیسیونی اوتگن "سه‌شنبه" کونی بیر خبرنامه آرقه‌لی، میلادی جاری ییل نینگ بیرینچی 6 آیده 880 فرقلی واقعه‌لر عاقبتیده 1213 کیشی هلاک و باشقه 1744 کیشی یره‌لنگنی دن خبر بیرگن ایدی.
