افغانستان انسان حقوقلری کمیسیونی‌نینگ ایتیشیچه، جاری ییل بیرینچی آلتی آیی‌ده عیال‌لرگه قرشی زوره‌وانلیک میزانی 7.32 فایز کوپه‌یگن.
(25- نوامبر) عیال‌لرگه قرشی زوره‌وانلیک‌نی باشقریش خلق ارا کونی دیر. ایریم دولتی اداره‌لر اوشبو کون‌نی نشانله‌گن.
مذکور کمیسیون کمشنرلریدن بیری قدریه یزدان‌پرست‌نینگ، اوتگن چهارشنبه کون کابل‌ده اوتکزیلگن خبری ییغینده ایتیشیچه، اوتگن ییل بیرینچی آلتی آیی‌ده عیال‌لرگه قرشی 2403 زوره‌وانلیک قضیه رویخطگه آلینگن ایکن؛ بیراق بو ییل اوشبو رقم 2579 قضیه‌گه ییتیشگن.
خانم یزدان‌پرست‌نینگ ایتیشیچه، بو جمله‌دن 550 قضیه اقتصادی، 183 قضیه جنسی، 731 قضیه فیزیکی، 900 قضیه لفظی و 215 قضیه زوره‌وانلیک‌نی بیرقسمی بولگن.
شونینگ‌دیک، انسان حقوقلری کمیسیونی‌نینگ سوزلاوچیسی رفیع‌الله بیدارنینگ، اطراف‌لرده صحرایی محکمه توغریسیده ایتیشیچه، بیرقطار قوللنه‌دیگن کیشی‌لر امنیتی بوشلیک و قومی نفوذی‌دن ناتوغری قوللنه‌دی. اونگه کوره، اطراف‌لرده قوم بویوک‌لریدن بیرقطاری دولتی اداره‌لر کوچسیزلیگی‌دن فایده‌لنیب، صحرایی محکمه‌نی رواجلنتیره‌دی.
بیدارنینگ کوپه‌یتیریشیچه، قانون دستورچیلری‌نینگ بی فرق یانده‌شی، عیال‌لرنینگ عدالت‌گه قولی ییتمس‌لیگی و زوره‌وان کیشی‌لر کوچلنتیریلیشی عیال‌لرگه قرشی زوره‌وانلیک عاملی دیر. شونینگ‌دیک، انسان حقوقلری کمیسیونی تامانیدن ترقه‌تیلگن گزارش‌ده کیلیشیچه، دولتی وظیفه‌دن ناتوغری قوله‌نیش، قشاقلیک و پولیس بیلن قاره‌لاوچیلر اورته‌سیده‌گی اویغون‌سیزلیک باعث، عیال‌لرگه قرشی زوره‌وانلیک کوپه‌یگن.
.jpg)
9 ولایت‌ده عیال‌لرگه قرشی زوره‌وانلیک‌نی باشقریش کمپینی باشلندی
باشقه تاماندن، مملکت ایچکی ایشلر وزیرلیگی رسمی‌لری، مملکت 9 ولایتی‌ده عیال‌لرگه قرشی زوره‌وانلیک‌نی باشقریش کمپین باشلنگنی‌دن خبر بیره‌دی. ایچکی ایشلر وزیرلیگی‌نینگ ایتیشیچه، اوشبو کمپین کابل، بلخ، هرات، پکتیا، بامیان، کندهار، ننگرهار، کاپیسا و پروان ولایت‌لریده یولگه قوییلگن.
ایچکی ایشلر وزیرلیگی عیال‌لر و باله‌لر حقوقی خصوصیده‌گی اداره باشلیغی حکمت‌شاهی رسولی‌نینگ، مذکور وزیرلیک‌ده اوتکزیلگن مراسم‌ده ایتیشیچه، عیال‌لرگه قرشی زوانلیک‌لر یالغیز جامعه‌ده زوره‌وانلیک‌که قرشی مدنیت رواجلنتیریلگن صورتده، باشقریلیشی ممکن.
شونینگ‌دیک، عیال لر وزیری دلبر نظری‌نینگ ایتیشیچه، عیال‌لر وزیرلیگی، عیال‌لرگه قرشی زوره‌وانلیک‌نی باشقریش خصوصیده 16 کونلیک کمپین‌نی یولگه قویگن؛ دولتی، مدنی اداره‌لر، میدیالر، امام‌لر، عالم‌لر، سیاسی حزب‌لر، انسان حقوقی فعال‌لری، فعال عیال‌لر و یشاوچیلردن اوشبو کمپین‌گه اشتراک ایتیشی سوره‌لگن.
عین حالده، لتفا اداره‌سی باشلیغی استیفن مورک‌نینگ ایتیشیچه، افغانستان عیال‌لریدن کوپینچه‌سی زوره‌وانلیک خصوصیده، گزارش بیریش‌دن قورقیشه‌دی.
جناب مورک‌نینگ ایتیشیچه، عیال‌لرگه قرشی زوره‌وانلیک‌نی باشقریش خصوصیده، عملی شکلده ایش قیلیش لازم.
اوشبو کمپین شونده‌ی بیرحالده یولگه قوییله‌دی کیم، حاضرگه‌قدر عیال‌لرگه قرشی زوره‌وانلیک توغریسیده بولگن دوسیه‌لردن کوپینچه‌سی تیکشیریلمه‌گن.
