بوگون «پنجشنبه» کابل‌ده عیاللر تامانیدن یولگه قوییلگن کته بیر ییغینده افغانستان بوییچه انسان حقلری ایرکین کمیسیون باشلیغی سیما سمرنینگ ایتیشیچه، 1388- ییل‌دن سونگ اوروش قربانلریدن 8.3% عیاللر بولگن و اوروش نتیجه‌لری هردایم بخت‌سیزلیک، قیغو و الم و قان توکیش دیر.
خانم سمرنینگ ایتیشیچه، افغانستانده دوام ایتیب کیله‌یاتگن اوروش اهالی ایرکین‌لیگی گه توسیق بولگن و اولر اوروش تامانلری آره‌سیده آتیش‌کیسین بولیشینی ایسته‌یدیلر.
شونینگدیک، اوشبو ییغینده نماینده‌لر کینگشی سابق اعضاسی شینکی زهین کروخیل، خالد و الفتح عملیاتی یکونله‌نیب و آتیش‌کیسین اعلان قیلینیشی نی طلب قیلگن.
خانم کروخیل حکومت دن آتیش‌کیسین اعلان قیلیش خصوصیده پیش‌قدم بولیشی نی ایسته‌گن.
اوشبو ییغینده افغان عیاللر ترماغی اعضالریدن بیری نینگ ایتیشیچه، مملکت ده تینچلیک تأمین‌لنگن صورتده، اولر بیر کون نی ایرکک‌لرنینگ آتی گه نشانله‌یدیلر.
مذکور ایکی اداره تامانیدن نشر ایتیلگن اعلامیه‌ده آتیش‌کیسین اعلان قیلینیشی و مملکت‌ده اوروش یکونلنیشی اوستیگه تأکیدلنگن و شونینگدیک، تینچلیک سوزلشوولریده عیاللر هم اشتراک قیلیشی طلب قیلینگن.
