سلام‌وطندارگه یتیشگن حجت‌نی کورستیشیچه، جمهور رییس تامایندن ینگی صادر ایتیلگن حکمی‌ده انسان حقلری ایرکین کمیسیونی رهبرلیگی اعضالری اوزگرتیریلیب و اورین لریده ینگی کیشی‌لر تعیین ایتیلیشی کیرک.
اوشبو حکم‌نینگ باشقه بیر بولیمیده کیلیشیچه، اساسی قانون‌نینگ 58- ماده‌سی و تشکیل قانونی‌نینگ 11- ماده‌سی یخشی شکلده تطبیق ایتیلیشی و افغانستان انسان حقلری ایرکین کمیسیون‌نینگ صلاحیت لری و وظیفه‌لری بیرلشگن ملت‌لر تشکیلاتی‌نینگ عمومی جمغرمه‌سی تامانیدن 1993-ییل 20- دسامبرده 134 رقم‌لی شرط نامه اساسیده «افغانستان انسان حقلری ایرکین کمیسیون‌نینگ اعضالری تعیین ایتیلیشی و بیللی قیلینیشی» خصوصیده 9 ماده‌لیک حکم صادر ایتیلگن.
شونینگ‌دیک اوشبو حکم نی بیرینچی ماده‌سی‌نی بیرینچی فقره سیده کیلیشیچه، انسان حقلریدن مدافعه قیلوچی قورلمه‌لر و مدنی جماعه‌چیلیک اداره‌لرنینگ نماینده‌لری تشکیل ایتیلگن 7 کیشی‌لیک ایش گروهی اساسیده تینق لایحه آرقه‌لی مذکور کمیسیون‌نینگ ینگی اعضالری تعیین ایتیلیشی لازم.
ایکنچی ماده اساسیده انسان حقلری بولیمیده مراجعیت چیلرنینگ فعالیتی سمت، تیل، جنسیت، قوم ترکیبی نظرگه آلینیب و تقنینی حجت رعایت قیلینیب کم‌چیلیک‌لر اوصولی بحث گه آلینیشی کیرک.
اوچینچی ماده گه کوره، متقاضی‌لر رویخط نی تیکشیریش اوچون باشلیغی قاضی القضات دن، باشقرلاوچیلیکدن اعضا عنوانیده و انسان حقلری ایرکین کمیسیونی باشلیغی اعضا حیثیده بیر کیمته قوریله‌دی. کمیسیون‌نینگ برحال باشلیغی متقاضی‌لردن بولگن صورتده، اونینگ اورنیده اساسی قانونی تطبیق ایتیلیشیدن نظارت ایتیش کمیسیون باشلیغی اعضا حیثیده تنلنه‌دی.
اوشبو کمیته بوتون متقاضی‌لر ایچیدن 27 کیشی‌نی ضعف‌لری و کوچلرینی درج قیلیش بیلن تنله‌ب جمهور رییس‌گه یوباره‌دی و جمهور رییس بوجمله‌دن 4 ته‌سی عیال بولگن 9 کیشی‌نی انسان حقلری ایرکین کمیسیونی‌نینگ کمیشنرلری صفتیده تنلیدی.
انسان حقلری ایرکین کمیسیونی‌نینگ سوزلاوچیسی بلال صدیقی‌نینگ سلام‌وطندارگه ایتیشیچه، مذکور کمیسیون حاضرگی اعضالری‌نینگ ایشی 1397-ییل جوزا آی‌ده یکونله‌ندی. جناب صدیقی‌گه کوره، انسان حقلری ایرکین کمیسیونی‌نینگ رهبرلیگیده اوزگریش و تعیین قیلیش بیر اصل دیر و اولر تیزلیکده تعیین ایتیلگن شخص‌لرنینگ رویخط نی جمهورلیک ریاستی‌گه یوباریش اوچون سعی و حرکت قیله‌دیلر.
بوندن آلدن انسان حقلری ایرکین کمیسیونی توغریسیده «سیما سمر مستقل کمیسیونی»، «جاغوری حقی کمیسیونی» و باشقه نیچه عنوان‌لرده تورلی گزارشلر ترقه‌لگن ایدی. ایکی ییل آلدن ترقه‌لگن بیر گزارش گه کوره، انسان حقلری کمیسیونی‌نینگ بوتون افغانستانده 450 ایشلاوچیسی بولیب و اوشبو جمله دن 280 ته‌سی جاغوری تومن‌نینگ هزاره‌لری، سیما سمرنینگ ایناغه، اقارب و یقیین‌لری دیر.
ایتیش کیرک‌که خانم سیما سمر 14 ییلدن بویان انسان حقلری کمیسیونی کرسی سیگه تکیه قیلیب و انسان حقلری کمیسیونی‌نینگ تشکیل قانونی، وظایف و صلاحیت‌لریگه اوشبو کمیسیون گه دوره‌ی ریاست‌نی تنظیم و بیللی ایته‌دیگن بیر ماده یوق دیر.
