انسان حقلرینی تیکشیریش اداره‌سی نینگ اعلان قیلیشیچه، آمریکا مرکزی معلومات تشکیلاتی «سی آی ای» تامانیدن حمایت قیلینه‌دیگن افغانستان ملی خوفسیزلیک ریاستی نینگ خاص قطعه‌لری حربی جنایت گه سبب بولیشگن.
بوگون «پنجشنبه» انسان حقلرینی تیکشیریش اداره سی تامانیدن ترقه‌تیلگن ینگی گزارش‌ده کیلیشیچه، بو هجوملر ملی خوفسیزلیک ریاستی نینگ 01، 02، 03 و 04 خاص قطعه‌لری و خوست خوفسیزلیک کوچلری تامانیدن عمل‌گه آشیریلگن.
اوشبو گزارش غزنی، هلمند، کابل، قندهار، ننگرهار، پکتیا، ارزگان، میدان‌وردک و زابل ولایت‌لریده عمل‌گه آشیریلگن کیچه‌لیک عملیات‌لرگه گواه و محل‌دن بولگن 39 کیشی بیلن صحبت قیلینیب و شونینگدیک، افغانستان بوییچه انسان حقلرینی تیکشیریش گروه‌لری تامانیدن مستند قیلینگن عملیات‌لردن تیارلنگن.
انسان حقلرینی تیکشیریش اداره‌سی نینگ گزارشی گه کوره، آمریکا مرکزی معلومات تشکیلاتی «سی آی ای» تامانیدن حمایت قیلینه‌دیگن افغانستان ملی خوفسیزلیک ریاستی نینگ خاص قطعه‌لری میلادی 2017- ییل نینگ آخرلریدن 2019- ییل نینگ اورته‌لری گچه عملیاتلر جریانیده 14 جدی واقعه جمله‌دن تینچ اهالی‌لرنی اولدیریش گه سبب بولیشگن.
اوشبو گزارش‌ده کیلیشیچه، استخبارات کوچسیزلیگی و محل‌ده بولگن سیاسی رقابت‌لر اساسیده، تینچ اهالی‌نینگ کیم‌لیک‌لری معلوم قیلینمه‌ی بو کوچلر تامانیدن هدف گه آلینگن.
انسان حقلرینی تیکشیریش اداره‌سی نینگ گزارشی‌ده ایتیلیشیچه، سونگی ایکی ییل‌ده مذکور کوچلرنینگ کیچه‌لیک و هوایی عملیات‌لری نتیجه‌سیده تینچ اهالی نینگ قربانلری آشگن.
انسان حقلرینی تیکشیریش اداره‌سی نینگ معلوماتی اساسیده، کیچه‌لیک هجوملر، توتقونگه آلیش، کیشی‌لر یوق ایتیلیشی و ساغلیک مرکزلریگه هجوم قیلیش بو کوچلرنینگ باشقه طریقه‌لریدن بولگن.
بیراق، واقعه گواه‌لری و ایریم ولایت‌لرنینگ یشاوچیلرینی ادعا قیلیشیچه، حربی جنایت میزانی گزارش بیریلگنیدن آتیق دیر.
قربانلیک بیرگن عایله‌لردن بیری نینگ بو اداره گه ایتیشیچه، بو کوچلر پارتلاوچی ماده بیلن اویی نینگ ایشیگی‌نی بوزیب و اوندن کیین بیر اوغلی‌نی اولدیریب و باشقه بیر اوغلی‌نی اوزلری بیلن آلیب کیتگن.
گزارش ده کیلیشیچه، ملی خوفسیزلیک کوچلری اویی گه کیرگن کیشی طالبان اوچون آذیق-آوقت تیارلش‌گه مسؤول بولگن و بو گروه گه آذیق-آوقت تیارلمه‌گن صورتده، قیناققه سالینر ایکن.
آسیا بوییچه انسان حقلرینی تیکشیریش اداره مدیرلریدن بیری و اوشبو گزارش یازووچیسی پاتریشیا گروسمن نینگ ایتیشیچه، ملی خوفسیزلیک ریاستی نینگ خاص قطعه‌لری اسیر آلینگن کیشی‌لرنی محکمه حکم قیلمس‌دن آتیب تشله‌گن.
انسان حقلرینی تیکشیریش اداره‌سی، آمریکا و افغانستان حکومتی‌دن خوفسیزلیک کوچلری نینگ قومندانلیک تشکیلاتی‌دن تشقری کوچلرنی تیزلیک‌که لغو و قورالدن بوشه‌تیب و بو کوچلر تامانیدن یولگه قوییلگن هجوملر توغریسیده بولگن عیب‌لاولر تیکشیریلیشی گه یاردم بیریشی‌نی سوره‌گن.
افغانستان جمهورلیک ریاست سوزلاوچیسی صدیق صدیقی نینگ ایتیشیچه، بونده‌ی عملیاتلر دقیق شکلده عمل‌گه آشیریلیب و تینچ اهالی گه زیان ییتمه‌سی توغریسیده، مکانیسم‌لر ایجاد ایتیلیشی توغریسیده سعی و حرکت قیلینماقده.
آمریکا مرکزی معلومات تشکیلاتی «سی آی ای» میلادی 2001- ییل‌دن بویان آمریکا حربی تشکیلاتی‌دن ایری تینگ شکلده افغانستان خوفسیزلیک کوچلریدن فایده‌لنیب تروریست‌لرگه قرشی عملیات قیله‌دی.
شو توغریده…
تینچ اهالی قربانلری 8% کوپه‌یگن؛ انسان حقوقی بوییچه کمیسیون گزارش بیردی
