انسان حقوقی ایرکین کمیسیونی، اوروش قربان‌لری نینگ حقوق‌لرینی مذاکره نینگ اصلی رکن صفتیده تاکید قیلگن.
انسان حقوقی ایرکین کمیسیونی، دوحه‌ده افغانستان‌لیکلر ارا سوزلشوولر باشله‌نیشی‌نی خوش قرشی‌لب و افغانستانده اوروش‌نی یکونلنتیریش اوچون اوشبو فرصت‌نی اونملی عنوان قیلگن.
بوگون "شنبه" انسان حقوقی ایرکین کمیسیونی، بیر اعلامیه نشر قیلیب، تینچلیک سوزلشوولرده اوروش قربان‌لری نینگ حقوق‌لری سقله‌نیشی اوستیگه تاکید قیلگن.
مذکور کمیسیون نینگ ایتیشیچه، اوروش قربان‌لری و بوتون اهالی نینگ ایستکلری سوزلشوولر اصلی رکن صفتیده نظرگه توتیلیشی کیره‌ک. اعلامیه‌ده کوپه‌یتیریلیشیچه: «قربان بولگن‌لرنینگ سیس‌لریگه دقت قیلینیب و اولرنینگ انسان دوست‌لیک نیازلریگه دقت قیلینسین.»
اعلامیه‌ده کوپه‌یتیریلیشیچه، انسان اساسی حقوقی بوتون یشاوچی‌لر تامانیدن تانیلیب و سقله‌نیشی کیره‌ک.
انسان حقوقی ایرکین کمیسیونی تامانیدن نشر قیلینگن اعلامیه‌ده ایتیلیشیچه: « اوروش‌لر نتیجه‌سیده قربان بولگن‌لرنینگ حق‌لری تامین‌لنیب و زیان‌لری جبران قیلینسین.»
اعلامیه‌ده تاکید قیلینیشیچه، تینچ اهالی نینگ جان، عزت و جسم‌لریدن حفاظت قیلیش اولرنینگ حقوق‌لریدن دیر.
اعلامیه‌ده کوپه‌یتیریلیشیچه، 2020- ییل جون آیده انسان حقوقی ایرکین کمیسیونی تینچلیک سوزلشوولر جریانیده تینق‌لیک، هرتامانلمه و تاثیرلی بولیشی اوچون 4 میکانیزم نی پیشنهاد قیلگن ایدی. اوشبو کمیسیون ایکینچی مرته هم دولت و طالبان گروهی دن پیشنهاد قیلینگن میکانیزم‌لرنی تصدیق‌لب و قربان بولگن‌لرنی تینچلیک جریانیده اشتراک قیلیش‌لری خصوصیده ایشانچ بیریشی‌نی سوره‌گن.
انسان حقوقی ایرکین کمیسیونی‌گه کوره، تینچلیک سوزلشوولرده یوزمه‌یوز صحبت قیلیش اوچون مملکت بوتون منطقه‌لریدن قربان بولگن‌لرنی انتخاب قیلینیشی کیره‌ک.
اعلامیه‌ده ایتیلیشیچه، سوزلشوولر ایجابی نتیجه بیرگنیدن سونگ، عدالت و مصالحه خصوصیده صحبت قیلیش اوچون قربان بولگن‌لر ملی مصلحتی جرگه‌سی نینگ تشکیل تاپیشی کیره‌ک. کمیسیون نینگ ایتیشیچه، اوشبو جرگه‌دن سوزلشوولر بیرینچی نتیجه‌سی خصوصیده معلومات بیریش و فکرلردن فایده‌له‌نیشی ممکن.
انسان حقوقی ایرکین کمیسیونی، خلق ارا جماعه‌سیدن تینچلیک جریانیدن انسان‌لیک کرامت، انسان حقوقی و اسلام آموزه‌لرینی رعایت قیلیش بیلن حمایت قیلیشینی سوره‌گن.
