سوریه نینگ ادلیب شهریده کیمیاوی حجوم اوتکزیشی عاقبتیده، اوتگن کون (پنج‌شنبه) کیش قورونده امیریکه 60 دن آشه «توموهاک کروز» نوعی‌ده بولگن راکت‌نی سوریه هوایی قرارگاه لریدن بیریگه آتیب حجوم قیلگن.
امیریکه جمهور رییسی دونالد ترامپ نینگ ایتیشیچه، سوریه تامانیدن اچینتیره‌دیگن کیمیاوی قورال استعمال بولیشی‌گه قره‌تیب سوری‌لیک حربی کوچلرگه قرشی حجوم اویوشتیریش بویروغینی بیرگن. او، بشار اسدنی دیکتاتور جمهور رییس دیب حتی خلقی‌گه هم ایچ کویدیرمه‌یدی دیدی.
امیریکه جمهور رییسی: «شبه سیز سوریه منع ایتیلگن قورالنی استعمال قیلگن.»
اما سوریه حکومتی کیمیاوی قورالنی استعمال قیلگنینی رد قیلیب، بو سوزلرنی تهمت دیب بیله‌دی.
اوتگن هفته سه‌شنبه کونی بشار اسد اردوسی ادلیب شهریده حجوم قیلگنیده کیمیاوی قوراللردن استعمال قیلدی دیگن گزارشلری ترقه‌تیلدی، نتیجه‌ده باله‌لر و عیاللر قوشیمچه 86 کیشی جان بیرگن.
