.jpg)
د تخار ولایت د ینګېکلا ولسوال عبدالمناف فیضي وايي، عبدالقدوس چې تازه د دې ولسوالۍ د امنیه قوماندان په توګه ټاکل شوی؛ نه یوازې پهخپلو مسوولیتونو کې ناکام دی، بلکې په «بچهبازۍ» هم تورن دی. فیضي وايي، عبدالقدوس چې کله د دې ولسوالۍ جنايي مدیر و؛ پهخپل دفتر کې یې د قمار او بچهبازۍ لهپاره پراخ بستر جوړ کړیو.
د ښاغلي قدوس له دفتره سلام وطندار ته رسېدلو عکسونو کې داسې دمبوره ښکاري چې د بچهبازۍ په محفلونو کې وهلکېږي. د ینګېکلا ولسوال وايي چې د دوو اوونیو په جریان کې چې د عبدالقدوس له ټاکل کېدو تېرېږي؛ څو ځلې د هغه په دفتر کې د بچهبازۍ پروګرامونه جوړ شويدي.
د ینګېکلا د ولسوال عبدلمناف فیضي او د دې ولسوالۍ د ولسي پاڅونوالو قوماندان ملک تاتار وايي چې د عبدالقدوس له مقررۍ سره به دا ولسوالي د طالبانو ولکې ته ځکه ولوېږي چې ښاغلی قدوس د دې ولسوالۍ د امنیت د تامینولو وړتیا نهلري. دوی زیاتوي، خلک د ده په ټاکلو خوشاله نهدي او ډېر ژر به اعتراضونه وکړي.
په هغه لیک کې چې د ینکېکلا د ځايي ادارې له لوري د تخار ولایت مقام ته رسېدلی او یوه کاپي یې سلام وطندار ته سپارل شوي، په هغه کې ټینګار شوی چې عبدالقدوس د دې ولسوالۍ د امنیت ساتلو نه عاجز دی.
خو عبدالقدس له سلام وطندار سره په خبرو کې وویل چې دا د ده د مخالفانو له لوري پر ده تپل شوي تورونه دي. هغه زیاته کړه چې د یوې ازادې سیالۍ له لارې د ینګېکلا ولسوالۍ د امنیه قوماندان په توګه غوره شوی او د خپلو ټولو مسوولیتونو د ترسره کولو توان لري.
