کابل و اسلام‌آباد کیلیشووی ایکی اولکه استخباراتی اداره ارا معلومات المشتیریش توغری سیده‌گی کیلیشوونی مقدمه‌سی بولیب لغو ایتیلیش امکانی هم بار. بو مطلب‌نی افغانستان ملی امنیت کینگشی نینگ سوزلاوچی‌سی نجیب منلی، اوتکن کونگی اولتیریشی‌ده میدیالر حضوریگه بیان ایتکن.
جناب منلی‌گه کوره، مذکور کیلیشوو قانونی مرحله‌سی‌نی اوتکزماقده. اونینگ کوپه‌یتیریشیچه، مذکور کیلیشوو جریانیده ایریم موضع‌لر چیقاریلیب و باشقه موضوع‌لر کوپه‌یتیریلیشی ممکن. شونینگ‌دیک، بو کیلیشوو مقدمه سی جریانیده لغو ایتیلیشی ممکن.
امنیتی کینگش سوزلاوچی‌سی، یالغیز ملی امنیت ریاستی و پاکستان استخباراتی اداره‌سی اورته سیده معلومات المشتیریش خصوصی‌ده‌گی کابل و اسلام‌آباد کیلیشوو مقدمه‌سی‌گه قول قوییلگنی‌نی ایتکن. او، کابل و اسلام‌آباد ارا قول قوییلگن کیلیشووگه اولکه امنیتی کوچلری « آی، اس، آی» اداره‌سی تمانیدن تربیه‌لنیش جهازلنیش گزارشی‌نی رد ایتدی.
جناب منلی‌گه کوره، مقدمه یکونلنگنی‌دن کیین، معلومات‌نی المشتیریش خصوصی‌ده بولگن کیلیشووگه افغانستان ملی امنیت اداره‌سی و پاکستان استخباراتی اداره‌سی باشلیغ‌لری تمانیدن قول قوییلیشی ممکن.
مذکور کیلیشوو مقدمه‌سی، 8 کون آلدین 25- ثور اولکه ملی امنیت ریاستی اورین باسری و پاکستان تمانیدن قول قوییلگن ایدی.
مذکور خبر ترقتیلگن‌دن کیین هر تمانلمه تنقیدلرگه روپه‌ره بولدی.
افغانستان سابق جمهور رییسی حامدکرزی، کابل و اسلام‌آباد ارا قول قوییلگن کیلیشوونی شرملی دیگن.
شونینگ‌دیک، ملی امنیت ریاستی باشلیغی رحمت‌الله نبیل و امنیتی کینگش مصلحتچی‌سی حنیف اتمر، اورته‌لریده مذکور کیلیشوو خصوصی‌ده لفظی تارتیشوو یوزبیرگنی توغری سیده گزاشلر ترقتیلگن ایدی.
اوشبو گزارشلرگه کوره، جناب نبیل وزیرلر کینگشی اولتیریشی‌ده مذکور کیلیشووگه قول قوییلگنی توغری سیده قرشی‌لیک کورسه‌تیب اونی بی معنی بیر کاغذ دیگن ایدی. شونینگ‌دیک جناب اتمر، ملی امنیت ریاستی‌نینگ برچه ایشچی‌لری اونی عملی قیلیشی اوستی‌گه تاکید قیلگن.
بیراق ملی امنیت باشلیغی، بو حرکت‌گه قرشی جواب بیریب، مذکور کیلیشوو اورین باسری تمانیدن امضاء بولگنی‌نی ایتیب، اونی عمل‌گه آشیرمه‌گنی‌نی تیلگه آلگن. بیراق نیچه کون اوتکنی‌دن سونگ بو گزارشلر شایعه دییلگن.
شونینگ‌دیک اولکه ملی امنیت سابق باشلیغ‌لری اسدالله خالد و امرالله صالح، مذکور کیلیشووگه قول قوییلگنی‌نی ننگلی دیگنلر.
عین حالده، امنیتی کینگش سوزلاوچی‌سی‌نینگ ایتیشیچه، کیلیشوو مقدمه‌‍سینی جزئیاتی آچیقلنمه‌یدی.
افغانستان، چین و روسیه اولکه‌سی ارا شونده‌ی بیر کیلیشوولرگه قول قویگنی ایتیله‌دی.
