.jpg)
امنیتی کوچلر قربانلری‌نینگ عایله‌لری و قاچقین‌لر اوچون هرات ولایتیده بیر شهرچه‌نینگ قوریلیش ایشی باشلندی. قاچقین‌لر وزیری سیدحسین عالمی بلخی‌نینگ ایتیشیچه، سعادت شهرچه‌سی هرات شهری‌نینگ غربی‌ده جایلشگن.
قاچقین‌لر وزیری‌گه کوره، مذکور شهرچه نیچه ییل آلدین حکومت تامانیدن نظرگه آلینگن ایدی و اونینگ قوریلیش ایشی بوگون "دوشنبه" جمهورلیک ریاستی‌نینگ 305- فرمانی اساسیده باشلندی.
جناب بلخی‌نینگ ایتیشیچه، مذکور شهرچه و کابل‌ده قوریله‌دیگن باشقه بیر نمایشی شهرچه اوچون 32 میلیون یورو تخمین ایتیلگن و بو مبلغ بیرلشگن ملت‌لر تشکیلاتی‌نینگ بشر یشش لایحه‌سی تامانیدن توللنه‌دی.
هرات حاکمی محمدآصف رحیمی‌نینگ ایتیشیچه، مذکور شهرچه قوریلیشی اوچون 6 مینگ جریب ییر نظرگه آلینگن و اونینگ 2 مینگ جریبی گه آست قوریلمه‌لر شامل بوله‌دی. هرات حاکمی‌گه کوره، اوشبو شهرچه‌نینگ قوریلیش ایشی یکونلنگنده چمه‌سی 8 مینگ عایله اویدار بوله‌دی.
.jpg)
رحیمی‌نینگ ایتیشیچه، مذکور شهرچه ایکی باسقیچ‌ده قوریله‌دی و بیرینچی بولیمی 30 آی جریانیده یکونلنیشی ممکن. اونینگ ایتیشیچه، مذکور شهرچه‌نینگ قوریلیش خرجتی حاضرگه‌قدر هبیتات تامانیدن بیللی بولمه‌گن و بو شهرچه علاوه کابل‌ده قوریله‌دیگن باشقه بیر شهرچه اوچون 32 میلیون یورو نظرگه آلینگن و کوپراغی هرات ولایتی‌گه جذب قیلینیشی خصوصیده، سعی و حرکت قیلینه‌دی.
باش پناه ایزلاوچی‌لردن بیرقطاری، نیچه ییل‌دن بویان مذکور منطقه‌ده جایلشگن‌لر. اولر، حکومت اینقسه قاچقین‌لر وزیرلیگی‌دن شهرچه‌نی آست قوریلمه‌سیگه قوشیمچه، بو منطقه‌نینگ ترانسپورت و امنیتی قیین‌چیلیک‌لری حل ایتیلیشی‌نی سوره‌گن‌لر.
