اوتگن کون کابل غربیده قانلی بیر خودکش هجوم یوز بیردی و نتیجهده اونلرچه کیشی هلاک ایتیلیب و یرهلندی. مذکور منطقه یشاوچیلری و محلی کینگش اعضالرینینگ ایتیشیچه، واقعه یوز بیریشیدن آلدین، اولر امنیتی رسمیلردن جدی شکلده امنیتی تدبیر آلیشلرینی سورهب و اولرنی تهدید موجودلیگیدن خبر بیرگن.
سلاموطندارگه صحبت بیرگن آلتینچی ناحیه خاتمالانبیا شهرچهسی محلی کینگش باشلیغی غلامسخی مؤفقنینگ اییتشیچه، اهالی کیملیک ترقهتیش محل خوفسیزلیگینی تأمینلش و امنیتی رسمیلرنینگ دقتی کوپراق جلب ایتیلیشی توغریسیده، نیچه ییغین یولگه قویگن، بیراق امنیتی رسمیلر ییغینلرده اشتراک قیلمهگن و خودکش هجومچی بیفرق یاندهشیشدن فایدهلنگن.
عین حالده، ایچکی ایشلر وزیرلیگی سوزلاوچیسی نجیب دانشنینگ سلام وطندارگه ایتیشیچه، محل یشاوچیلرینینگ ییغینلریگه اشتراک قیلمهگنلری توغری دیر، بیراق کیملیک ترقهتیلهدیگن و آواز بیرووچیلرنی رویخطگه آلیش مرکزلر امنیتی برنامهلر آستیده دیر.
باشقه بیر تاماندن، محل یشاوچیلرینینگ ایتیشیچه، اوشبو مرکز امنیتینینگ تامینلشگه مسؤول بولگن کیشیلر، مذکور مرکزنینگ ایشلاوچیلری اورنیده کیملیک ترقهتماقده ایکنلر و انهشو سبب خوفسیزلیک خصوصیده دقت قیلینمهگن. جناب دانش، بو سوزلرنی تصدیق قیلمهیدی.
حاضر ایسه، محل یشاوچیلرینینگ ایتیشیچه، آواز بیرووچیلرنی رویخطگه آلیش مرکزلر باشقه ییرلرگه انتقال بیریلمهگن صورتده، اولر کیملیک قولگه کیریتیش اوچون بو مرکزلرگه مراجعت قیلمهیدیلر.
