افغانستان تینچلیک لایحه‌سی بوییچه آمریکا قوشمه ایالت‌لری‌نینگ خاص نماینده‌سی زلمی خلیلزادنینگ رهبرلیگی‌ده آمریکا قوشمه ایالت‌لری‌نینگ هیأتی و ملاعبدالغنی برادر رهبرلیگی‌ده طالبان گروهی‌نینگ نماینده‌لری آره‌سیده، افغانستان تینچلیک سوزلشوولری خصوصیده بیشینچی دور ییغین یولگه قوییلدی و بو ییغین قطرنینگ دوحه شهریده اوتکزیلماقده.
بیر منبع‌نینگ سلام وطندارگه ایتیشیچه، مذکور ییغین بوگون رسمی شکلده باشلنگن و ایکی تامان ایش قیله‌دیگن ایکی قوشمه گروه ایجاد قیلگن. بیرینچی گروه چیت‌ایللیک کوچلرنینگ افغانستاندن چیقیش ریجه‌سینی تیارلش و ایکینچی گروه افغانستان ترورچیلر اوچون تینچ بیر ییرده اوزگرمه‌سی ریجه‌سی اوستیگه ایش قیله‌دیلر.
منبع نینگ کوپه‌یتیریشیچه، سوزلشوولرنینگ اوشبو دوریده زلمی خلیلزاد یانیده تشقی، مدافعه معلوماتی تشکیلات یا-ده سی.آی.ای و آمریکا آق سرایی نینگ نماینده لر موجود.
منبع گه کوره، دوحه ییغینیده کیلیشیلگن موضوعلر پنج‌شنبه کونی رسانه‌یی بوله‌دی.
منبع، دوحه ییغینیده آمریکا حربی رسمی‌لری‌نینگ حضوریدن مقصد، آمریکا هیأتی گه چیقیش زمانی و قندی چیقیش توغریسیده مصلحت بیریش دیدی.
منبع‌نینگ کوپه‌یتیریشیچه، زلمی خلیلزاد دوحه ییغینیده افغانستان تینچلیگی توغریسیده اونملی و نهایی قرار آلینیشی اوچون ملا برادرنینگ حضوری حقیده حرکت قیلدی؛ شوندی بیر حالده پاکستان و افغانستان طالبلرنینگ سیاسی اورین باسری نی حضوری گه قرشی ایدی.
شو توغریده:
ملا عبدالغنی برادر طالبلرنینگ قطرده‌گی دفتری نی باشلیغی بولدی
قطر تینچلیک سوزلشوولری؛ طالبلر خلق ارا کفالت طلب قیلگن
منبع گه کوره، مسکو ییغینیده طالبلر و افغانستان سیاسی گروهلری آره‌سیده‌گی ایشانچ سیزلیک دیواری اورته دن کیتگن ایدی و تینچلیک کیلیشووی زمانی یقین بولگن.
زلمی خلیلزادنینگ تویتیر صحیفه‌سیده یازیشیچه، سوزلشوولرنینگ اوشبو دوریده جدی موضوعلر اوستیگه صحبت اوتکزیله‌دی.
شونینگدیک تینچلیک عالی کینگشی رسمی‌لری، طالبلرنینگ قطرده‌گی دفتری نی مسئولی و سیاسی اورین باسری ملا عبدالغنی برادر نینگ حضوری نی اونملی دیب اورغولشیچه، اونینگ حضوری تینچلیک سوزلشوولری گه تأثیرلی بولیشی ممکن.
