امریکانینگ اتم سیز بمبی بیرینچی بار افغانستانده ایشگه سالیندی

آق اوی نینگ بلند مرتبه‌لی رسمیلری، بو مملکت نینگ حربی قوشینلری بیرینچی مرته اتمی بولمه‌گن اینگ کته بمب‌نی ایشگه سالگن لیگی باره‌سیده خبر بیردی. «GBU-43» رسوملی اوشبو بمب ننگرهار و لایتی نینگ اچین تومنی‌گه آتیلگن.

واشنتگن‌ده نطق سوزله‌گن آق اوی نینگ سوزلاووچیسی شان سپایسرنینگ سوزلریگه کوره، «GBU-43» اینگ آغیر بمب دقت اساسیده آتیلگن. او، اقش نینگ حربیلری « ننگرهار ولایتی نینگ اچین تومنیده داعش‌گه وفادار جنگریلرنی هجوم آستیگه آلگن» دیدی.

هنوزگچه هم مذکور بمب نینگ تلفاتی توغریسیده معلومات بیریلمه‌گن. شونینگدیک ننگرهار ولایتی نینگ یشاووچیلری مذکور بمب عاقبتیده داعش جنگریلریگه تلفات ییتگن بولیشی ممکن، لیکن تینچ اهالیگه زیان ییتمه‌گن دیدیلر.

ییتکرمه‌لرنینگ گزارش قیلیشیچه، «GBU-43» اوشبو بمب بیرینچی مرته 2003 ییلده عراق اوروشی‌ده سیناودن اوتکزیلگن لیگی معلوم قیلینگن.