اولکه ملی المپیک کمیته‌سی فدارسیونلریدن کوپیسی نینگ ایتیشیچه، کمیته حاضرگی باشلیغی ظاهر اغبر کوچی‌دن فایده‌لنیب کیلگن و ملی المپیک باشلیغی فهیم هاشمی حق دیر.
اوتگن ییل ثور آیده، فهیم هاشمی فدراسیونلر باشلیغ‌لری نینگ سیلاو اوتکزیشلری اساسیده ملی المپیک کمیته‌سی باشلیغی بولیب تعیین ایتیلدی، اما شو ییل ثور آیده فسادگه متهم بولیشی و ضعیف مدیریت‌لیگی‌گه قاره‌لنیب ایکینچی سیلاو اوتکزیلگن ایدی.
اوشبو بولیمده آلدیندن ایشله‌گن ظاهر اغبر ایکینچیی سلاوده قازانیب اوزینی باشلیغ دیب اتشدی، ولی فهیم هاشمی بو سیلاونی المپیک کمیته‌لری اساسی قانونیگه قرشی دیب بیله‌دی.
هاشمی نینگ سوزلریگه قرشی ظاهر اغبر نینگ ایتیشیچه، بو سیلاو برچه فدراسیونلر باشلیغی، ملی کینگش اعضالری حضوریگه بولیب اوتگن و آسیایی المپیک و جهانی کمیته‌سی هم قبول قیلگن‌لیگی‌نی اورغوله‌گن.
بو جنجاللر بولیب اوتگندن کیین حکومت تامانیدن وضعیت‌نی تیکشیریش اوچون هیآت تعین ایتیلیب. بوباره‌ده آت چاپرلر فدراسیونی باشلیغی عبدالمحسن احمدی، تیکشیروولر اساسیده تاپیلگن حقیقت کورسه‌تیشیچه، جناب هاشمی حقلی ثابت بولگن دیدی.
اما ملی المپیک سوزلاوچیسی احسان میرو بو ادعالر برچه سینی رد قیلیب ایتیشیچه، ایکی سیلاوده هم ظاهر اغبر قازانگن و آسیایی المپیک کمیته‌سی وفدراسیونلر باشلیغ‌لری نظارتی بیلن اوتکزیلگن‌لیگی اساسیده، آسیایی المپیک هم ظاهر اغبرنی تایید قیله‌دیلر.
المپیک کمیته‌سی نینگ سوزلاوچیسی، جناب اغبر منطقه‌یی و جهانی نیچه اولتیریشده اولکه المپیک باشلیغی حیثی‌ده قتنشگن و بو اوزی اونینگ مشروعیت‌لیگی‌نی کورسته‌دی دیب کوپه‌یتیره‌دی.
آت‌چاپر، تنس و بیس‌بال فدراسیونلرباشلیغ‌لری شکایت قیلگنلر قطاریده توریب حکومت رسمیلریدن بو قیین‌چیلیک حل ایتیلیشینی ایستیدیلر.
عین حالده اجرایی ریاست سوزلاوچیسی اورین باسری جاوید فیصل نینگ ایتیشیچه، المپیک کمیته‌سی باره‌سیده حکومت اره‌لشمیدی و حاضرگه قدر اولرگه بو توغریده قیسی شکایت هم کیلمه‌گن.
ایتیلشیچه، شو حاضر کمیسیونلر ایریمی کمیته آلدینگی باشلیغی فهیم هاشمی تامانیدن باشقریله‌دی و ایریمی هم ظاهر اغبر تمانیدن و حاضرگه قدر معلوم ایمس بو ایکی بولینیش قیسی زمانگچه دوام تاپه‌دی.
