افغانستان شرقیده جایلشگن کنر ولایتینینگ محلی مسوللری، الاحرار گروهیگه تیگیشلی قورارللی کیشیلر سهشنبه دن چهارشنبه گه اوترکیچهسی ولایت نینگ مانوگی تومنیده بیر مکتبنی پارتلهتیب و باشقه اوچ مکتبنی اوته یاندیرگنلیکلری بارهسیده خبربیرگنلر.
اوشبو تومن معارف ادارهسی نینگ مدیری مهتاب الدین مصلح، الاحرار گروهی کوپینچه شبنامه لر ترقهتیب اوقوچیلردن مکتب بارمسلیکلرینی سوره گن دیگن.
او، حاضرگی کونده قیز و ایرکک اوقوچیلر شامل 2 مینگ شاگرد تومن مکتبلریده درس بیلن شغللنهدیلر دیگن.
مانوگی تومنی معارف ادارهسینینگ مدیری، منطقه قوم یاش اولوغلری همکارلیگی بیلن بو واقعه آلدینی آلیشگه سعی و حرکت آلیب باریشینی تیلگه آلگن.
اونینگ سوزلریگه قرهگنده، الاحرا تازهلیک ده کنر ولایتیده فعالیت گه باشلهگن. بو قیبل حادثهلرده قولی بارلیکلرینی رد قیلگن طالبلر سوزلاوچیسی ذبیح الله مجاهد اوشبو مکتبلر باشقه گروه لر تامانیدن اوتگه یاندیریلگن بولیشی ممکن دیگن. لیکن، الاحرار هنوزگچه بیرار نرسه دیمهگن.
بو بیرینچی مرته ایمس مملکت شرقی حدودلریده قوراللی جنگریلر مکتبلرنی اوتگه یاندیرگن بولسه. بوندن آلدین هم بیر قنچه مکتبلر قوراللی گروهلر تامانیدن اوتگه یاندیریلیب کیلنگن.
