افغان-ترک مکتب‌لری اوقووچیلر عایله‌وی کمیته‌سی‌نینگ ایتیشیچه، اوشبو مکتب‌لرنینگ فعالیتی توخته‌تیلیشی توغریسیده تشقی ایشلر وزیرلیگی تامانیدن یوباریلگن مکتوب قانونگه قرشی دیر.
اوشبو کمیته خبرنامه‌سی اساسیده، تشقی ایشلر وزیرلیگی‌نینگ ایکینچی سیاسی ریاستی اقتصاد وزیرلیگی‌گه بیر مکتوب یوباریب و افغان-ترک مؤسسه‌سی‌نینگ فعالیتی توخته‌تیلیشی‌نی سوره‌گن.
خبرنامه‌ده ایتیلیشیچه، افغان-ترک مؤسسه‌سی دولت تشکیلاتی‌دن تشقری خیریه اداره بولیب و افغانستان قانونلری اساسیده فعالیت قیله‌دی و بو مؤسسه‌نی افغانستاندن تشقری مرکزی یوق دیر.
اوشبو خبرنامه‌ده کوپه‌یتیریلیشیچه، بو مؤسسه افغانستان ملی منفعت‌لریگه قرشی بولمه‌ی و هیچ بیر دولتی، ایچکی و تشقی تشکیلات‌گه باغلیق ایمس و شونینگ‌دیک، هیچ بیر مملکت، دولت و چیت ایللیک قوریلمه تامانیدن اداره قیلینمه‌یدی.
خبرنامه‌ده ایتیلیشیچه، افغان-ترک مکتب‌لری‌نینگ ترکیه دولتی‌گه تاپشیریش ریجه افغانستان قانونلریگه قرشی بولیب و خلق ارا کیلیشوولری و انسان حقلری قاعده‌لری نقض بولیشی‌نی کورسته‌دی.
