اوتگن کون «شنبه» جوزجان ولایتیده افغان-ترک مکتب‌لریدن بیرینی اوستیگه امنیتی کوچلر هجوم قیلگن و بو هجوم عمومی ریاست و مذکور مکتب‌لرنینگ اوقووچی‌لر عایله‌وی کمیته‌سینی عکس‌العملی گه سبب بولدی.
بوگون «یکشنبه» کابل‌ده خبری ییغین اوتکزگن افغان-ترک مکتب‌لری‌نینگ عمومی ریاستی‌نی مسؤوللری و مذکور مکتب‌لرنینگ اوقووچی عایله‌وی کمیته‌سی اعضالری، اوتگن کون یوز بیرگن واقعه‌نی قانون گه قرشی و مکتب اوقیتووچیلری و اوقووچی‌لری قوییب یوباریلیشی‌نی سوره‌ب و جوزجان حاکمی و معارف وزیرلیگی‌دن مکتب‌نی ترک قیلیشی اوستیگه تأکید قیلگن.
افغان-ترک مکتب‌لری‌نینگ عایله‌وی کمیته اورین‌باسری عبدالشکور دادرس‌نینگ ایتیشیچه، افغان-ترک مکتب‌لری‌نینگ فعالیت قانونی دیر و شو یوزه‌دن قانون‌گه قرشی ایستک‌لرگه تن بیرمه‌یدیلر.
عین حالده، اوتگن کون جوزجان حاکمی مذکور مکتب‌لرنینگ فعالیتی نی قانون‌گه قرشی دیگن ایدی.
افغان-ترک مکتب لری‌نینگ سرپرستی احمدفواد حیدری، خوفسیزلیک کوچلری‌نینگ قیلگن ایشی نی قانون‌گه قرشی دیدی.
اوتگن کون شبرغان شهریده خوفسیزلیک کوچلری ترکیه‌لیک 4 اوقیتوچی‌نی قولگه‌آلیش اوچون افغان-ترک مکتبی‌گه هجوم قیلدی و اوقووچی‌لرنینگ عایله‌لری بیلن توقنه‌شیب و اولرگه قرشی سوودن فایده‌لندی. نتیجه‌‍ده قطار کیشی‌لرنی یره‌لنتریب و قولگه آلگن.
