.JPG)
افغان-ترک مکتب‌لری‌نینگ اوقووچیلرینی عایله‌وی کمیته‌سی‌نینگ ایتیشیچه، اوشبو مکتب‌لرنینگ درس لایحه‌سی اوزگرمه‌سی لازم و شونینگ‌دیک، تُرک اوقیتووچیلری افغانستان تامانیدن ترکیه حکومتی گه تاپشیریلمه‌سی کیره‌ک.
افغان-ترک مکتب‌لری‌نینگ اوقووچیلرینی عایله‌وی کمیته اعضاسی صدیق‌الله توحیدی‌نینگ ایتیشیچه، اوشبو مکتب‌لرنینگ مدیریتی‌نی ترکیه دولتی گه تاپشیریش کیلیشووی قانون گه قرشی دیر و حکومت بو کیلیشووگه جدی بولگن صورتده، بو مکتب‌لرنینگ درس لایحه‌سی و تُرک اوقیتووچیلریگه دقت قیلیشی لازم.
افغان-ترک اوقیتووچیلریدن بیری گلبهار دینلرنینگ ایتیشیچه، اوشبو مکتب‌لرنینگ اوقیتووچیلری افغان-ترک وضعیتی یخشی بولیشی اوچون شخصی پوللرینی صرفله‌گن و بو مکتب‌لرنینگ مدیریتی ترکیه دولتی گه تاپشیریلیشی بیلیم گه قرشی‌لیک قیلیش‌نی کورسته‌دی. جناب دینلرنینگ ایتیشیچه، مملکت‌لری افغانستانده اورگه‌تیش و تربیه‌لش گه خذمت قیلماقچی بولگن صورتده، بو مملکت‌ده ینگی مکتب‌لر قوریشی کیره‌ک ایدی.
کمیده 17 کون آلدین، افغان-ترک مکتب‌لری‌نینگ مدیریتی افغانستان حکومتی تامانیدن ترکیه دولتی گه تاپشیریلدی. اوشبو کیلیشوو جدی عکس‌العمل‌لرگه روپه‌ره بولدی؛ مذکور مکتب‌لرنینگ اوقووچیلرینی عایله‌لری، تحصن خیمه اوریب و ناراضیلیک بیلدیرگن‌لر؛ بیراق کورینیشیچه، بو عکس العمل‌لر نتیجه بیرمه‌دی.
افغان-ترک مکتب‌لری، کمیده اوتگن 20 ییل، اینیقسه سونگی 10 ییل‌ده افغانستان‌نینگ کیفیت‌لی مکتب‌لریدن ایدی. اوشبو مکتب‌لرنینگ اوقووچیلری، کانکور سیناولری همده منطقه بیلشوولریده یخشی یوتوقلر قولگه کیریتگن.
