افغانستان 23 یاشر فوتبال ملی تیرمه جماعه سی‌نینگ اویینچی‌لری بیرینچی مشق اویینلریده عرب امیرلیک دولت‌لر شاهین تیمی‌نی شکست بیردی. افغانستان ملی فوتبال فدراسیونی تامانیدن نشر ایتیلگن خبرنامه‌ده، اویین 3/5 مقابلیده افغانستان منفتی‌گه یکونلنگنی قید ایتیلگن.
عرب امیرلیک‌لر فوتبال تیمی هر ییلی بهار موسومی‌ده دبی‌ده فوتبال اویینلریده اشتراک قیلگن. مذکور اویینچی‌لر ایچیده فرانسه، سعودیه عربستانی و ایران فوتبال اویینچی‌لری بارلیگی ایتیله‌دی. مملکت 23 یاشر فوتبال ملی تیم اعضالری حوت آیی‌نینگ 18 – سیده الوصل سپورت میدانیده دبی آب و برق ملی فوتبال تیمی بیلن اویینشگن ایدی.
مذکور بیلشوو هم 2/7 افغانستان منفتی‌گه اوز پایانیگه ییتگن ایدی. اوشبو مشق سونگی‌گه ییتگن‌دن سونگ افغانستان 23 یاشر فوتبال تیرمه جماعه سی بیر ایلیک مشق و تمرین اوچون ایران نینگ شیراز شهریگه باره‌دیلر. افغانستان ملی فوتبال تیمی‌نینگ اعضالری 2015- ییلده برازیل المپیک فوتبال بیلشوولریده تیارگرلیک کوریش اوچون مشق و تمرین اوتکزیش‌لری ایتیله‌دی.
