اینترنت صحفه‌سی‌ده تیرقه‌تیلگن معلومات‌لرگه اساساً کبدی بیلشوونی افغانستان سپورتچی‌لری دستلب‌که اویین‌ده نپال کبدی تیمی‌نی 40 -11 برابریده شکست بیرگن‌لر.
کبدی مسابقه‌سی‌نینگ اوچینچی دوری اوتگن کون (دوشنبه) آسیانینگ ییتی مملکتی اشتراکی‌ده پاکستان‌نینگ اسلام‌آباد شهریده باشلندی.
مسابقه باشله‌نیش‌ده پاکستان و هند تیملری ایران و سریلانکا تیملری مقابلی‌گه چیقیب بو تیملرنی یوتگن.
بوگون (سه‌شنبه) افغانستان ملی کبدی تیمی هند، پاکستان کبدی تیمی سریلانکا و ایران کبدی تیمی ایسه نپال بیلن چیقیشی کوتیله‌دی.
اسلام آباد کبدی مسابقه‌لریگه مالیزی، آذربایجان و بوتان کبدی تیملری هم چقیریلگن؛ اما، مذکور دولت‌لرنینگ تیمی نامعلوم دلیل‌لر سبب اشتراک قیلمه‌گن.
کبدی مسابقه‌سی‌نینگ بیرینچی دوری میلادی 2008 ییل‌ده اوتکزیلگن ایدی، اونده هند ملی کبدی تیمی قهرمانلیک جامی آلگن ایدی.
