سیلاولر مستقل کمیسیونی کیلگوسی ییل 16 سرطان (1396)-ییل سیلاولر اوتکزیلیش زمانینی تعیین قیلدی.
کمیسیون نینگ باشلیغی نجیبالله احمدزی بوگون خبری بیر اولتیریشده ایریم تامانلربیلن مصلحت و مذاکره قیلگن دن سونگ مملکت وضعیتی نظرده توتیب سیلاولر تاریخی تعیین قیلیندی دیگن.
جناب احمدزی، کیلگوسی سیلاولرده هیچ کیمگه ارهلهشیش اوچون رخصت بیریلمهیدی دیگن.
بوگون توشدن آلدین اوتکزیلگن باشقه بیر ییغینده حکومت پارلمانی سیلاولر اوتکزیلیشی بارهسیده تاکید ایتگن ایدی.
جمهور رییس سوزلاوچیسی نینگ اورین باسری شاه حسین مرتضوی، تومنلر همده پارلمان سیلاولر اوتکزیلیش زمانی تعیین ایتیلگن لیگینی حکومت خوش قرشیلهیدی دیگن.
جمهور رییس مطبوعات خذمتی نینگ اورین باسری، جمهور رییس غنی سیاسی حزبلر همده مدنی فعاللر بیلن بولگن اوچرهشوویده شفاف سیلاو اوتکزیلیشی اوچون حکومتگه همکارلیک قیلیشلرینی سورهگن ایدی دیدی.
