هرات ولایتیده بیرینچی مرته افغانستان و هندوستان دولت‌لری اورته‌سی‌ده تکنالوژی و تجاری مشترک کورگزمه اوتکزیلدی. هند بلند مرتبه‌لی رسمی‌لری، مذکور کورگزمه اوتکزیلیشی‌دن بیرینچی نیت ایکله مملکت تجاری همده تکنالوژی علاقه‌لرینی یخشی‌لشتیریش بولگن‌لیگی‌نی ایتگن‌لر.
اوشبو کورگزمه سه‌شبنه کونی حوت آیی نینگ 19-سی‌ده آچیلگن. هرات شهری آسمان تالاری‌ده آچیلگن بو کورگزمه ایکّی کون دوام ایتیشی ایتیله‌دی.
افغانستان‌ده هندوستان ایلچی‌لیگی‌نینگ اورین باسری ویراج‌سنگ، کورگزمه‌نینگ آچیلیشی‌ده ایتیشیچه، مذکور کورگزمه‌ده هندوستان‌دن 12 شرکت و افغانستان‌دن ایسه 50 شرکت اوز محصولات‌لری‌نی کورستووگه قویگنلر.
جناب‌سنگ سوزلری‌گه قره‌گنده، هندی شرکت‌لر کوپینچه ساغلیق، معارف، ایکینچی‌لیک و برق انرژی‌سی بولیمی‌ده فعالیت قیلیب، تکنالوژی‌گه تیگیشلی نرسه‌لری‌نی انه شو بولیم‌ده کورگزمه‌گه قویگنلر. ایتیلیشیچه، کیلگوسی ییل‌لرده هندوستان زمانوی تکنالوژی اسکونه‌لرینی بو قبل کورگزمه‌لرگه آلیب کیلیشی ایتیلگن.
اونگه کوره، بونده‌ی کورگزمه‌لرنی اوتکزیلیشی هندوستان و افغانستان‌ده محصولات ایشلب چیقارووچی‌لرنینگ قابلی‌تی آشیریلیشی‌گه اولکن حصه قوشه‌دی.
شونینگ‌دیک ایلچی‌نینگ اورین باسری، ایکله مملکت علاقه‌سی یخشیله‌نیشی اوچون افغانستان‌لیک ملی تاجرلرگه بیش ییل‌لیک ویزه بیریلیشی‌دن سوز بیرگن.
کورگزمه‌ده اشتراک قیلگن ولایت سرپرستی اصیل‌الدین جامی، بونده‌ی کورگزمه‌لرنی یول‌گه قوییلیشی افغانستان‌ده سرمایه یاتقیزیش اوچون ییریک تاثیری بارلیگی حقی‌ده گپیرگن. اونگه کوره، کورگزمه ده هندوستان تکنالوژیسی‌گه عاید محصولات‌لر نمایش‌گه قوییلیشی‌دن علاوه هرات‌ده ایشلب چیقاریلگن محصولات‌لر هم کورگزمه‌گه قوییله‌دی.
کورگزمه‌ده قتنشگن‌لر بونده‌ی حرکت‌لر افغانستان‌ده ایشلب چیقاریله‌دیگن محصولات‌لر ترقیاتی اوچون اولکن تاثیرگه ایگه ایکن‌لیگی‌نی تاکیدلشگن‌لر.
بو کورگزمه سونگی بیر نیچه وقت ایچی‌ده افغانستان و هندوستان دولت‌لری اورته‌سی‌ده‌گی علاقه‌لر سُست‌لشگن‌لیگی اوچون میش – میش‍‌‌لر ترقه‌تیلگن بیر چاده اوتکزیلیماقده.
