بوگون «دوشنبه» اندونیزیا جمهور رییسی جوکو ویدودو، کابل‌گه قیلگن رسمی سفریده افغانستان حکومتی‌نینگ بلند مرتبه‌لی رسمی‌لری بیلن اوچره‌شدی.
جمهور رییس غنی بیلن قوشمه خبری ییغین اوتکزگن جناب ویدودو، افغانستان حکومتی‌نینگ رسمی‌لریگه سوز بیریب و مملکتی افغانستانده تینچلیک و برقرارلیک تأمین‌لنیشی و باشقه بولیم‌لر رواجلنیشی خصوصیده، یاردم بیریشینی بیلدیردی.
اوشبو ییغینده نطق سوزله‌گن مملکت جمهور رییسی محمداشرف غنی، تینچلیک و برقرارلیک تأمین‌لنیشی و باشقه بولیم‌لر رواجلنیشی‌ده اندونیزیا مملکتی‌نینگ رولینی اونملی دیدی.
جناب غنی‌نینگ ایتیشیچه، افغانستان و اندونیزیا اوزاق مدتلی تاریخی علاقه‌گه ایگه بولگن.
مملکت جمهور رییسی محمداشرف غنی، اندونیزیا جمهور رییسی‌نینگ ایسته‌گی بیلن جاری میلادی ییل‌نینگ اپریل آیی‌ده اندونیزیاگه سفر قیلیشی ممکن.
جناب غنی‌نینگ کوپه‌یتیریشیچه، اندونیزیا جمهور رییسی‌نینگ ایسته‌گی بو مملکت افغانستان بیلن یخشی همکارلیک قیلیب و علاقه باغله‌شینی کورسته‌دی.
