اخیرگی پیتلرده کابل و ننگرهار ولایتلریده یوز بیرگن تروریستی واقعهلردن سونگ نمایندهلر کینگشی اعضالری امریکا بیلن بولگن امنیتی شرطنامهنینگ قیتهتیکلشنی ایستهگنلر.
نمایندهلر کینگشینینگ قطار اعضالریگه کوره، افغانستان و امریکا آرهسیده امضا ایتیلگن امنیتی شرطنامه، اوشبو مملکتنینگ امنیتی وضعیتیده ایجابی تاثیر قویمهگن.
نمایندهلر کینگشی اعضالریدن بیری محمدسرور عثمانینینگ ایتیشیچه، افغانستاننینگ امنیتی یمان وضعیتگه قرار تاپگن و امریکا بیلن امضا ایتیلگن امنیتی شرطنامه هیچقندی ایجابی تاثیر قویمهگن. شونینگدیک نذیراحمد حنفینینگ ایتیشیچه، امنیتی شرطنامهنینگ عملگه آشیریلیشی خصوصیده امریکا هیچقندی سعی و حرکت قیلمهگن.
امریکا بیلن امضا ایتیلگن امنیتی شرطنامهنینگ قیتهتیکلشی آواز بیریشگه قویلدی و کوپینچه ایجابی آواز بیلن تصدیقلندی.
مملکتده تروریستی واقعهلر و اوروش ارقامی کوپهیگن بیر چاغده نمایندهلرکینگشی اعضالری امریکا بیلن بولگن امنیتی شرطنامهنینگ قیتهتیکلشینی ایستهگنلر.
اخیرگی تروریستی واقعه اوتگن کون ننگرهارده صورت تاپیب نیتجهده 68 کیشی هلاک و باشقه 165 کیشی یرهلنگن.
