افغانستان ووشو ملی تیرمه جماعه‌سی ایران میزبانلیک قیلگن جام فجر بیلشوولریده 15 مدال کسب ایتیب ایکینچی مقام گه ایریشگن.
اوشبو بیلشوولرده افغانستان‌نینگ ایرکک و عیال سپورتچی‌لری اشتراک قیلگن.
افغانستان ووشو فدراسیونی‌نینگ معلوماتی اساسیده، اوشبو بیلشوولرده مملکت ووشو ملی تیرمه جماعه‌سی 3 آلتین، 9 کوموش و 3 برنز مدال قولگه کیریتگن.
ووشو فدراسیونی‌نینگ ایتیشیچه، جام فجر خلق ارا بیلشوولرینی اوچینچی دوری ووشو رشته‌سینی «تالوی» بولیمی‌ده جمشید آتلی سپورتچی 3 آلتین مدال قولگه کیریتگن و شونینگدیک، اوشبو بولیم‌ده شفیق آتلی باشقه بیر سپورتچی 3 کوموش مدال قولگه کیریتگن.
گلاب‌شاه عمری آتلی سپورتچی هم «تالوی» بولیمی‌ده 2 کوموش مدال و 1 برنز مدال کسب ایتگن.
شو توغریده…
افغانستان موی‌تای خلق‌آرا بیلشوولرینی سونگی باسقیچی‌گه کیتدی
کوریا تکواندو بیلشوولریده مملکت تکواندوچی‌لری 4 مدال کسب ایتگن
یوزماق خلق ارا بیلشوولری‌نینگ آلتین مدالی عباس کریمی گه ییتیشدی
افغانستان، ساحلی فوتبال بیلشوولریده ایران تامانیدن مغلوب ایتیلدی
مذکور بیلشوولر جریانیده ووشو رشته‌سیده افغانستان نماینده‌لیگی‌دن یالغیز فاطمه خیرالهی آتلی عیال، 1 برنز مدال قولگه کیریتگن.
ووشو بیلیشوولری ایران‌نینگ زاهدان شهریده یولگه قوییلگن و بو بیلشوولرده افغانستان تیرمه جماعه‌سی علاوه، هندوستان، پاکستان، عراق، فلسطین و ایران تیرمه جماعه‌لری هم اشتراک قیلیب و اوچ کون بیر-بیراولری بیلن رقابت قیلگن‌لر.
ایتیلیشیچه، اوشبو بیلشوولرگه میزبانلیک قیلگن ایران مملکتی کوپینچه مدال کسب ایتیب بیرینچی مقام گه ایریشگن.
