افغانستان تَورلری بوندن کیین، ملی ستندرد بیلگیسی «انسا» بیلن دنیا بازارلریگه کیره‌دی. اوشبو بیلگی ملی نورم و ستندر اداره‌سی‌نینگ نیچه ییل‌لیک سعی و حرکتی نتیجه‌سیده تیارلنگن.
بوندن آلدین، افغانستان تَورلری ملی ستندردسیز دنیا بازارلریگه صادر بولردی. افغانستان سوداگرلری ایریم پیت‌لرشکایت قیلردی کیم، قوشنی مملکت‌لر افغانستان تَورلری‌گه اوز ملی ستندرلری‌نی اوریب خلق ارا بازارلریگه ییتکیزه‌دی.
بوگون «دوشنبه» مملکت ملی ستندرد بیلگیسی‌نی تانیشتیریش مراسمی‌ده سوزگه چیقگن ملی نورم و ستندرد اداره‌سی عمومی باشلیغی نقیب‌الله فایق‌نینگ ایتیشیچه، اوشبو بیلگی دنیا بازارلریده افغانستان تَورلری اوچون بیلشووگه زمینه یره‌ته‌دی.
جناب فایق‌گه کوره، اوتمیش‌لرده افغانستان تَورلری ملی ستندرد بیلگیسی یوقلیگی باعث، تشقی تَورلر بیلن بیلشه آلمه‌گن.
ملی ستندرد اداره‌سی مسؤول‌لری‌نینگ ایتیشیچه، افغانستان یشاوچیلری بوندن کیین، تشقی تَورلردن فایده‌لنیش‌گه احتیاج بولمه‌یدی و افغانستان تَورلریدن ملی ستندرد بیلن فایده‌لنه‌دی.
عین حالده، ملی نورم و ستندرد اداره باشلیغی‌نینگ ایتیشیچه، مملکت نفتی‌دن کمیده اوچ حصه‌سی ناقانونی شکلده آلیب کیلینه‌دی. جناب فایق‌گه کوره، مافیایی گروه‌لر کیفیت‌سیز نفتی موادلرنی مملکت بازارلریگه آلیب کیله‌دیلر و بو موضوع اولر اوچون جدی قیین‌چیلیک یره‌تگن.
ایتیش لازم، مذکور اداره‌نینگ سعی و حرکت‌لری یانیده، هر ییل بیر میلیون نفتی مواد ناقانونی شکلده مملکت‌گه آلیب کیلینه‌دی.
