.jpg)
افغان کرکټ ملي لوبډلې نن د (مارچ پر ۱۰مه) په دویمه نړیواله شل اوریزه لوبه کې ایرلینډ ته په ماتې ورکولو ۲ د صفر پر وړاندې لوبه وګټله.
د هندوستان په «ګریټر نویډا» لوبغالي کې په نننۍ دویمه شل اوریزه لوبه کې افغانستان د نجیب ترهکي او راشد ارمان د ښکلې توپوهنې او توپاچونې په واسطه ایرلینډ په ۱۷ منډو له ماتې سره مخ کړ.
نجیب ترهکی د ۵۸ بالونو د ۵ شپږیزو او ۷ څلوریزو په وهلو سره ۹۰ منډی جوړې کړې او راشد ارمان بیا په ریکارډ توپاچونه ۲ اورونو کې د ۳ منډو په ورکولو ۵ وېکټې ترلاسه کړې او په ګډه د سیالۍ غوره لوبغاړي اعلان شول.
په سیالۍ کې افغانستان د پچې ګټلو وروسته لومړۍ لوبه وکړه او سیالې لوبډلې ته یې د ۸ لوبغاړیو په سوځولو په ۲۰ اورونو کې د ۱۸۵ منډو هدف ورکړ.
.jpg)
په ځوابي لوبه کې ایرلینډ که څه هم تر ۵ اورونو ۲ لوبغاړي له لاسه ورکړي وو؛ خو ۶۰ منډې یې هم جوړې کړې، چې د افغانستان په پرتله د باران تر پیلېدو وړاندې وه.
خو د باران له کبله سیالۍ ۱۱ اورونو ته را ټیټه شوه او مېلمنې لوبډلې ته د سیالۍ ګټلو په موخه د ۱۱۱ منډو هدف ورکړل شو.
له باران وروسته ایرلینډۍ لوبډله د راشدارمان او کریم جنت د توپاچونې مقابله ونهکړی شوه او په پوره ۱۱ اورونو کې یې د ۹ لوبغاړیو په سوځېدلو ۹۳ منډې جوړې کړې.
کپتان اصغرستانکزي له لوبې وروسته په خبرو کې نننۍ بریا او د اتلولۍ جام په کابل کې د وروستۍ امنیتي پېښې قربانیانو ته ډالۍ کړه. هغه وویل، چې لوبغاړي به خپلو افغانانو ته همداسې خوشحالي ورکوي.
افغان کرکټ لوبډله اوسمهال د کرکټ په تاریخ کی هغه یوازینی لوبډله ده، چی پرلهپسې زیاتو ۱۰ نړیوالو شل اوریزو لوبو کې بریاوي لري. د افغان کرکټ لوبډلې او ایرلینډۍ بله لوبه د (مارچ پر ۱۲مه) نېټه یا د یکشنبې په ورځ وي.
