طالبان گروهی‌نینگ تانیقلی قومندانلریدن ملابرادرگه تانیقلی ملا عبدالغنی‌نینگ 8 ییل‌دن سونگ پاکستان توتقونیدن قوییب یوباریلیشی، بحث‌لرنی اورته گه چیقارگن.
قطار سیاسی ایش بیلرمان‌لرنینگ ایشانچی‌گه کوره، ملا برادرنینگ قوییب یوباریلشی افغانستان تینچلیک سوزلشوولری گه هیچ‌قندی تاثیری یوق. مذکور بیلرمان‌لرنینگ ایتیشیچه، طالبان گروهی‌نینگ رهبرلیگی‌ده کوپینچه اوزگریش کیلگن و شو یوزه‌دن ملابرادر سابق نقشی نی قول دن بیرگن.
جاوید کوهستانی‌نینگ ایتیشیچه، طالبان گروهی‌گه کیلگن اوزگریش‌لر، ملا برادرنینگ نقشی نی اورته دن ایلتگن، بیراق او حامدکرزی حکومتی زمانی‌ده قوییب یوباریلگن صورتده، تینچلیک سوزلشوولری گه تاثیرلی بولیشی ممکن ایدی.
فردوس کاووش‌نینگ ایتیشیچه، طالبان‌نینگ فکری‌گه کوره، اولر حربی نقطه‌نظردن کوچ‌سیز بولگن‌لر و شو اساسده، ملا برادرنینگ قوییب یوباریلشی افغانستان تینچلیک پروسه‌سی گه تأثیرلی ایمس.
بیراق یازوچی و تدقیقاتچی جعفر مهدوی، ملا برادر قوییب یوباریلیشی نی تینچلیک پروسه‌سی گه اونملی دیب ایتیشیچه، سونگی بیر آیده‌گی اوزگریش‌لرنی کورستیشیچه، آمریکه قوشمه ایالاتی طالبان بیلن تینچلیک توغریسیده سوزلشوو اوتکزیش اوچون جدی اراده‌سی بار.
طالبان‌نینگ اونملی قومندانلریدن بولگن ملا برادر 2010- ییل‌ده پاکستان‌نینگ کراچی شهری‌دن اوشلب آلیندی و اوتگن سه‌شنبه کونی توتقوندن قوییب یوباریلدی.
ملاعبدالغنی برادر 50 یاشر بولیب و ملا عمر رهبرلیگی آستیده طالبان گروهی‌نینگ ایجاد ایتگن 4 کیشی دن بیریسی دیر.
او افغانستان‌ده «طالبان اسلامی امارتی» سقوط قیلگنیدن سونگ بو گروه‌نینگ اونملی تشکیلاتی نی رهبرلیک قیلرایدی. ملابرادر افغانستان‌ده آمریکه‌نینگ کیریشی بیرچاغیده، طالبان‌نینگ مدافعه وزیری ایدی و طالبان گروهی‌نینگ سقوطی‌دن سونگ ملامحمدعمرنینگ اورین باسری ایدی.
