بوگون "یکشنبه" ترکیه باش وزیری بن‌علی ییلدریم، دولت بیر هیأت رهبرلیگی‌ده کابل گه کیلدی.
جناب ییلدریم ملی بیرلیک حکومت‌نینگ قطار رسمی‌لری بیلن اوچره‌شگنیدن سونگ، ملی بیرلیک حکومت اجراییه باشلیغی بیلن قوشمه خبری بیر ییغین اوتکزیب ایکی تامانلمه همکارلیک‌لر، همکارلیک‌لر دوامی، ترورچیلیک‌که قرشی قوشمه شکلده کوره‌شیش، اقتصادی علاقه کینگه‌ییشی، افغان-ترک مکتب‌لری‌نینگ مدیریتی ترکیه دولتی‌گه تاپشیریلیش کیلیشووی و باشقه ایریم موضوعلر توغریسیده صحبت قیلگن.
ترکیه باش وزیری، افغانستان و ترکیه‌نینگ علاقه‌سی یخشی‌لنیشی و تینچلیک خصوصیده، جمهور رییس‌نینگ سونگی سعی و حرکتی‌دن حمایت بیلدیرگن.
حکومت اجراییه باشلیغی عبدالله عبدالله، ترکیه باش وزیری‌نینگ کابل گه قیلگن سفرینی، افغانستان و ترکیه علاقه‌سی دوامی بیلیب و ترکیه دولتی جاری ییل‌نینگ می آیی‌ده اوچ تامانلمه بیر ییغین یولگه قوییلیشی توغریسیده زمینه یره‌تیشیدن خبر بیرگن.
جناب عبدالله گه کوره، ترکیه باش وزیری بیلن اوتکزیلگن سوزلشووده قاچقین‌لر توغریسیده فکر المشتیریلگن.
شونینگ‌دیک، بو سفرده ترکیه باش وزیری افغانستان جمهوری رییسی بیلن اوچره‌شگن.
