افغانستان ملی کریکت تیمی خلق ارا 50 آورلیک مسابقه نینگ بیشینچی باسقیچی‌ده 7 ویکت تفاوت بیلن ایرلندنی یینه یوتدی.
دستلب بیتیگ‌نی ایرلند تیمی باشلب یوباردی. بو تیم 48 آورده بوتون اویینچیلریدن قولدن بیریشدی. 229 یوگوریش‌گه موفق بولگن ایرلند تامانی افغانستان کریکت‌چیلری اوچون 230 یوگوریش هدف تعیین قیلدی.
افغانستان کریکت‌چیلری 48 آوور 3 توپده حریف‌نینگ تعیین قیلگن مقصدنی قولگه کیریتیب بو مسابقه نینگ غالبی بولدی.
بیلشووده رحمت شاه و سمیع الله شینواریلر افغانستان ملی کریکت تیمی اوچون اینگ یخشی اویینی بجرگن. بوندن آلدین هم افغانستان تیمی 50 آورلیک 5 مسابقه‌ده ایکّی مرته ایرلندنی یوتگن ایدی.
مسابقه افغانستان میزبانلیک بیلن هندوستان‌ده بولیب اوتدی.
