.jpg)
افغانستان انسان حقلر کمیسیونی رسمیلری نینگ ایتیشیچه، پولیس کوچلری نینگ یشاوچیلری بیلن خُلقی نا اورین و بولر یشاوچیلرگه قرشی شفقت سیز و بی اساس برخورد قیله‌دی.
اوشبو کمیسیون باشلیغی سیماسمر نینگ «بشر حقی و پولیس» ناملی ایکی کونلیک اولتیریشده ایتیشیچه، حتی پولیس کوچلری باله‌لر، عیاللر و ناگران انسانلرگه حرمت سیزلیک بیلن عمل قیله‌دی.
خانم سمرگه کوره، مملکت بویلب شو پیتده حکومت دارلیک یخشی‌لنه‌دی که پولیس کوچلری ترتیب گه کیلسه اونده حکومت بیلن خلق اورته سیده‌گی مصافه‌لر اورته‌دن کیته‌دی دیگن ایمد ده‌لر. بوکمیسیون پولیس‌نی مسلکی بولیشیگه تأکید قیله‌دی و قانون و بشر حقلری ارزشی نظرده توتیب فعالیت قیلیشلرینی طلب قیله‌دی.
اولتیریشده اشتراک ایتگن مملکت ایچکی ایشلر وزیری تاج محمد جاهد نینگ ایتیشیچه، پولیس کوچلری نینگ اصلی ایشی قانونگه عمل قیلیش بولگن، بیراق مملکتده اوروش جریانی بولگنی دلیل، نیچه اوروش چیزیغیده دشمن گه قرشی کوره‌شیب کیلماقده‌لر و شو اوچون ایشلرینی یخشی عملگه آشیریشگه بوشلیک تاپیله‌دی.
.JPG)
اونگه کوره، پولیس کوچلری صفیده هم بوشلیکلر موجود، اما مذکور کوچلرنی مسلکی بولیشیگه اولگوره‌دیلر.
اوشبو اولتیریشده اشتراک ایتگن باشقره لاوچیلیک اداره‌سی باشلیغی فرید حمیدی هم پولیس کوچلری عدلی و قضایی نهادلر بیلن یاردم قیلیشگه تأکید قیله‌دی. جناب حمیدی نینگ ایتیشیچه، پولیس کوچلری نینگ قیشلاقلرده اورنی خوش قرشیلنه‌دی و حکومت بیلن یشاوچیلر اورته‌سیده کیلگن مصافه‌لرنی آزه‌یتیریشده پولیس کوچلری نینگ قیشلاقلرده امنیت کیلتیریشلری ایجادبی تأثیر قویه آله‌دی.
شونینگدیک اوتگن ییل بشر حقلر کمیسیونی مدافعه و ایچکی ایشلر وزیرلری و ملی امنیت ریاستی بیلن بیتیمگه قول قوییلیب اونگه اساسأ «آمبودزمن» ناملی بیر کمیسیون یوزه‌گه کیلگن ایدی. اوشبو کمیسیون امنیتی کوچلر اینیقسه پولیس کوچلری قیلمیشی‌نی نظارت قیلیب اولرنینگ بوزغونچ ایشلرینی بشر حقلر کمیسیونیگه گزارش بیره‌دی.
