امیریکه‌لیک فاکس‌نیوز سونگی پیتده افغانستان اقتصادی حقیده بیر تحقیقی گزارش یازیب، اولکه اقتصادی- قیته قوریش و خود کفا بولمهگنلیگی توغری‌سیده جمهور رییس غنی اوچون بیر هشدار دیگن. بو کونده‌لیک موندن آلدین افغانستان‌ده جهانی جامعه‌سی نینگ نظامی حضوری و فعالیتی بارلیگی‌سبب، افغانستان اقتصادی هرییل اون (10) فایز یوقاری کیتیب اوسیش تمان بارماقده ایدی. اما اوتگن ییلدن حاضرگه قدر بیر(1) یا بیریریم (1.5) فایز بولیب قالگن دیب یازگن.
بو امیریکه‌لیک رسانه کابل ده‌‌گی شهزاده سرای نینگ صراف‌لری‌دن نقل قیلیب، اولرگه کوره مرکزی بانک هر هفته 40 دن 50 میلیون افغانی‌گچه بازارده کیلتیریب، عرضه قیله‌دی تا افغانی پول ارزشی سقوط قیلمه‌سه دیگن‌لیگی ایتیلگن ایکن. فاکس‌نیوز گزارشی اساسیده امیریکه نینگ افغانستان‌ده نظامی بولیمی‌ده مصرف ایتگنیدن باشقه یوز میلیون دالرنی هم ملکی بولیم‌لریده سرمایه توکگن ایکن. بورسانه ساختمانی بولیم‌لریده سرمایه توکیش هم کوپینچه افغان یشاوچیلریگه ایش زمینه سینی یره‌تگن ایدی. اما بوییل اوشبو بولیم‌ده هم سرمایه توکیلمه‌دی، دیگن.
فاکس‌نیوز گه کوره شو حاضر افغانستان عوایدی‌دن کته بولیمی بنگیوار ماده لری‌نینگ تولید و قاچاق بولیشی تشکیل بیره‌دی، یعنی هر ییل اوچ میلیارد دالرگه یقین. بو رسانه جمهور رییس غنی تامانیدن کابینه نینگ کیش اعلام بولگنلیگی سبب، افغانستان اقتصادی‌گه منفی تاثر تشله گن دیب کوپه یتیرگن. حاضرهم تشقی شرکتلر، اینیقسه کانلر بولیمی‌ده سرمایه توکگنلر افغانستان حاضرگی سیاسی و امنیتی شرایطی‌دن راضی ایمسلر و حاضرهم اولکه ایچکی مافیالری کانلی ولایتلرده ناتینچلیک یره تیب، خلق نینگ خواطرگه سالیشلری بیلن کانلرنی چور قیلیب بارماقده ایکن‌لیگی‌نی ایتگن.
بو گزارش شوپیتده یازیله‌دی کی؛ آسیا یوکسه تیش بانکی گزارشی اساسیده 2013- ییل‌ده افغانستان اقتصادی سیکیز (8) فایز آزه‌یش تامان کیتگن ایکن. بو بانک 2013- ییل‌ده افغانتسان اقتصادی نینگ سیکیز فایز کیین کیتگن دلیلی میلادی 2014- ییل قورقوولری و سیاسی ثبات بولمهگنلیگی دیب ایتگن ایدی.
اولکه مالیه وزیرلیگی‌هم شو ییل سنبله آیی نینگ ایگیرمه آلتی (26) سیده بو وزیرلیک کسر بودجه‌وی‌گه یولیقگن دیب خبر بیردی و حاضرگی قیین چیلیکنی حل قیلیش اوچون تیزلیک‌ده 537 میلیون دالریاردم بولیشی‌نی ایسته‌گندی.
دیمک مالیه وزیرلیگی نینگ مقاماتی 1394- ییل بودجه سیده 446 میلیون دالرلیک کسر کیلگن‌لیگی‌دن دلیل 9 میلیارد افغانی ( 16 میلیون دالرگه یقین بوله‌دی) اولکه ایچکی عوایدی و تشقی یاردملر آزه‌یگن‌لیگی‌نی عنوان قیلگن ایدی.
ایتیش‌کیره‌ک؛ 1394- ییل بودجه طرحی نینگ توازون سیز و ناعادلانه بولگنلیگی اوچون کینگاش تامانیدن رد قیلینگن ایدی و مالیه وزیرلیگی قیته کوریب اوتیشی بیلن ینه کینگاش‌ده تصویب بولیش اوچون یوباردی.
