افغانستان تشقی ایشلر وزیرلیگی نینگ ایتیشیچه، ترکیه نینگ وان دینگیزچه‌سیده مهاجرلرنی انتقال بیره‌دیگن کیمه نینگ سووگه چوک‌کنی نتیجه‌سیده 61 کیشی قربان بولگن و بوجمله‌دن 34 ته‌سی افغانستان یشاوچیسی دیر.
تشقی ایشلر وزیرلیگی سوزلاوچیسی گران هیواد نینگ ایتیشیچه، بو واقعه‌گه قربان بولگن‌لردن 17 ته‌سی نینگ جسدی مملکت‌گه انتقال بیریلگن و باشقه 6 جسد بوگون آقشام گه‌قدر کابل‌گه انتقال بیریله‌دی.
بوگون "چهارشنبه" جناب هیواد نینگ خبری بیر ییغینده ایتیشیچه، اوشبو واقعه‌ده قربان بولگن‌لردن باشقه 6 ته‌سی نینگ جسدی ایرته ترکیه‌دن کابل‌گه انتقال بیریلیشی ممکن.
تشقی ایشلر وزیرلیگی سوزلاوچیسی نینگ کوپه‌یتیریشیچه، مذکور واقعه‌ده قربان بولگن‌لردن 5 ته‌سی نینگ جسدی عایله‌لری نینگ ایسته‌گی سبب، ترکیه نینگ وان منطقه‌سیده توپراققه قویلگن.
جناب هیواد نینگ ایتیشیچه، مذکور کیمه نینگ سووگه چوک‌کنیدن حاضرگه‌قدر، افغانستان یشاوچی‌لری نینگ جسد‌لرینی تانیش و انتقال بیریش اوچون تشقی ایشلر وزیرلیگی و افغانستان نینگ انقره ده‌گی ایلچی‌لیگی سعی و حرکت قیلماقده.
نیچه پیت آلدین مهاجرلرنی انتقال بیره‌دیگن بیر کیمه ترکیه نینگ وان دینگیزچه‌سیده سووگه چوک‌کن ایدی و قربان بولگن‌لردن بیرقطاری نینگ جسدلری حاضرگه‌قدر هم سوودن چیقاریلمه‌گن.
