افغانستان حکومتی و طالبان گروهی آره‌سیده افغانستان‌لیکلرارا سوزلشوولر باشلنگنیدن بیر هفته اوتماقده، بیراق حاضر هم مملکت نینگ 12 ولایتیده اوروش‌لر‌نی دوامی بار.
افغانستان‌لیکلر ارا سوزلشوولر باشلنگنیدن حاضرگه‌قدر، مملکت شرق زونی‌ده جایلشگن ننگرهار، کنر و لغمان ولایت‌لریده طالبان جنگریلریدن 47 ته‌سی هلاک و باشقه 41 ته‌سی یره‌لنگن.
مذکور ولایتلرده طالبان هجومی عاقبتیده، امنیتی کوچلردن 23 ته‌سی هلاک و باشقه 24 ته‌سی یره‌لنگن.
ننگرهار حاکمی سوزلاوچیسی عطاالله خوگیانی نینگ سلام‌وطندارگه ایتیشیچه، اوشبو ولایت نینگ شیرزاد، حصارک و خوگیانی تومنیده طالبان هجومی عاقبتیده، اوشبو گروهی جنگریلریدن کوپ‌قطاری هلاک و یره‌لنگنی چکه‌سیده، امنیتی کوچلر، مردمی کوچلر و محلی پولیس کوچلریگه هم تلفات ییتیشگن.
قندهار پولیس قومندانلیگی سوزلاوچیسی جمال ناصر بارکزی نینگ ایتیشیچه، افغانستان‌لیکلر ارا سوزلشوولر باشلنگنیدن بویان اوشبو ولایت نینگ شاولی‌کوت و میوند تومنیده طالبان گروهی‌گه کوپینچه تلفات ییتیشگن.
قندهار ولایتیده امنیتی کوچلر و طالبان آره‌سیده یوز بیرگن آتیشمه‌لر عاقبتیده، طالبان جنگریلریدن 75 ته‌سی هلاک و باشقه 11 ته‌سی یره‌لنگن و شونینگدیک، مذکور واقعه‌لرده امنیتی کوچلردن 1 ته‌سی هلاک ایتیلگن.
شونینگدیک، پکتیکا امنیتی مسوول‌لری نینگ ایتیش‌لریچه، اوشبو ولایتده طالبان تامانیدن اویوشتیریلگن 17 عملیات عاقبتیده، امنیتی کوچلردن 7 ته‌سی هلاک و باشقه 9 ته‌سی یره‌لنگن.
عین‌حالده، پکتیا پولیس قومندانی سلطان داوود سلطان نینگ ایتیشیچه، طالبان تامانیدن اویوشتیریلگن 50 هجوم نتیجه‌سیده، امنیتی کوچلردن 3 ته‌سی هلاک و باشقه 11 ته‌سی یره‌لنگن و مذکور هجوم‌لرده طالبان جنگریلریدن 20 ته‌سی هلاک و باشقه 10 ته‌سی یره‌لنگن.
مملکت غربیده امنیتی کوچلر و طالبان آره‌سیده یوز بیرگن آتیشمه‌لر عاقبتیده امنیتی کوچلردن 22 ته‌سی، طالبان جنگریلریدن 34 ته‌سی و شونینگدیک 11 تینچ اهالی هلاک ایتیلگن.
