مخدره ماده‌گه قرشی کوره‌شیش وزیری سلامت عظیمی‌نینگ ایتیشیچه، میلادی 2015- ییل، اوتکن ییل‌گه قره‌گنده کوکناز ایکینی 19 فایز و مخدره ماده ایشلب چیقاریلیشی 48 فایز کمه‌یگن.
خانم عظیمی‌گه کوره، مملکت 15 ولایت‌ده آز شکلده کوکنار ایکی‌لر ایدی، حاضر اورنی‌گه باشقه نرسه‌لر ایکیله‌دی و باشقه بو ولایت‌لرنی هیچ بیر ییریده کوکنار ایکیلمه‌یدی.
مخدره ماده‌گه قرشی کوره‌شیش وزیرلیگی رقمی‌گه کوره، مملکت بویلب اوتکن ییل 2 مینگ و بو ییل 3 مینگ هکتار ییر کوکناری بوزیلگن. شونینگ‌دیک مخدره ماده ایشلب چیقاریلیشی خصوصیده بیریلگن رقم اساسیده، اوتکن ییل 6400 تُن و بو ییل 3300 تُن مخدره ماده مملکت بویلب ایشلب چیقاریلگن.
مخدره ماده‌گه قرشی کوره‌شیش وزیرلیگی تامانیدن بیریلگن رقم‌گه اساس، مملکت کوکناریدن 97 فایزی جنوبی، غربی و شرقی ولایت‌لرگه ایکیله‌دی.
عین حالده، بیرلشگن ملت‌لر تشکیلاتی‌نینگ مخدره ماده‌گه قرشی کوره‌شیش خصوصیده منطقه‌یی باشلیغی اندرسن افتسین، بیریلگن رقم‌لرگه اساس، مخدره ماده ایکینی کمه‌یگنینی ایتکن، بیراق هلمند ولایتی‌ده اوچ موسوم‌ده هم کوکنار ایکیلگنی باعث، افغانستان‌ده اینگ کوپ مخدره ماده ایشلب چیقاره‌دیگن ولایت‌لر جمله‌سیدن دییدی.
ایتیلیشیچه، بو ییل مملکت شمال ولایت‌لریده، ناتینچ‌لیک‌لر کوپیگنی باعث، مخدره ماده قاچاقی کوپیگن. جناب افتسین‌گه کوره، ارزگان، بادغیس، غور، بغلان، فاریاب، بلخ، کابل، کنر و سرپل ولایت‌لریده اوتکن ییل‌لرگه قره‌گنده مخدره ماده قاچاقی کوپیگن.
دیمک مخدره ماده‌گه قرشی کوره‌شیش وزیرلیگی‌نینگ رسمی‌لری، مخدره ماده ایکینی و قاچاقی کمه‌یگنی‌دن خبر بیره‌دی، بیراق ساغلیک وزیرلیگی تامانیدن بیریلگن رقم‌گه کوره، افغانستان‌ده 3 میلیون‌دن آرتیق کیشی مخدره ماده‌گه چالینگن.
