روسیه‌نینگ افغانستان اوچون خاص نماینده‌سی ضمیر کابلوف‌نینگ سونگی بیاناتیگه کوره، افغانستانده داعش‌نینگ فعالیتی آشیشی باره‌سیده روسیه تشویشده و تشقی کوچلر فعالیتلر آلدینی آلمه‌گن تقدیرده، بو مملکت افغانستان توپراغیده اوشبو گروه‌گه قرشی مقابله قیلیشی ممکن.
شونینگدیک، بوگون جمهور رییس‌لیک سرایی‌نینگ مطبوعات دفتری سرپرستی شاه‌حسین مرتضوی‌نینگ خبری انجمن آلیب ایتیشیچه، افغانستان امنیتی کوچلری ترورچی‌لرگه قرشی اوروشماقده‌لر و شو حاضر مملکت بویلب 20 دن آَشه تروریستی گروه فعالیت قیله‌دی. امنیتی کوچلر ننگرهارده داعش‌گه قرشی جدی هجوم‌لرنی اوتکزگنلر و شو سونگی کونلرده داعش‌نینگ 3 تانیقلی قومندانی اولدیریلگن دیب کوپه‌یتیره‌دی جناب مرتضوی.
مرتضوی‌نینگ ایتیشیچه، افغانستانده داعش‌نینگ آلدینی آلیش اوچون طالبلرنی حمایت قیله‌دیگن مملکتلر «یوللریدن اده‌شگن.»
بیراق تحلیلچی‌لرگه کوره، مسکونی افغانستان توپراغیده نه هجوم یا عملیات قیلیش حقیگه ایگه و نه هم کوچی ایته‌دی. تحلیلچی‌لر داعش‌گه اوخشه‌گن گروه‌لرگه قرشی جدی کوره‌شنی طلب قیله‌دیلر و مسکودن آگاهلنتیریش اورنیده، افغانستان امنیتی کوچلریگه اوشبو گروه‌گه قرشی اوروش اوچون یاردم بیریشینی سوره‌یدیلر.
حی‌گل سلیمان خیل‌نینگ ایتشیچه، تشقی کوچلر افغانستانده ترورچی گروه‌لرگه قرشی کوره‌ش اوچون کیلگن و امنیتی کوچلر ایسه هر کون داعش‌گه قرشی عملیات اوتکزه‌دیلر. اونگه کوره، بو وضعیتده افغانستاننی داعش‌نینگ تینچ منطقه‌سیگه ایلنتیریش ممکن ایمس.
سلیمان خیل روسیه‌دن هر بولیم هم بولسه افغانستان امنیتی کوچلریدن حمایت قیلیشینی سوره‌یدی.
بوندن آلدین هم گویا مسکو طالبلرنینگ افغانستانده حربی جهازلر بیلن تأمینلب اوشبو گروه‌نی حمایت قیله‌دی و اوشبو گروه‌گه قورال اسله بیریشی بیلن داعش‌گه قرشی اوروشه‌دی دیگن گزارشلر ترقه‌تیلگن ایدی
اما روسیه‌نینگ افغانستان اوچون ایلچیسی الکساندر منتیتسکی دیپلوماتلری جانینی قوریش اوچون طالبلر بیلن تماسده ایکن‌لیگینی تیلگه آلگن ایدی.
