مخابرات و معلومات وزیرلیگی رسمی‌لری نینگ ایتیشیچه، جاری ییل 20- دلو دن افغانستانده انترنت بهاسی 20 فایز کمه‌یتیریله‌دی. اولرنینگ ایتیشلریچه، شو حاضر افغانستان بویلب 4 میلیونگه یقین انسان انترنت‌دن استفاده قیله‌دی، انترنت بهاسی آزه‌یشی بیلن کیلگوسی 4 ییلگه قدر انترنت‌دن استفاده قیلووچیلر سانی 15 میلیوندن آشه‌دی.
بوگون (سه‌شنبه) افغانستان مخابرات خذمتلر تنظیم لاوچی اداره باشلیغی محمدنجیب عزیزی نینگ خبری انجمن آلیب ایتیشیچه، مملکت بویلب انترنت بهاسینی کمه یتیریشلری بیلن یشاوچیلرگه آسانلیک کیلتیریشگه کورشه‌دیلر. اونگه کوره، 1396- ییل سونگی‌گه قدر انترنت بهاسینی کمه یتیریشگه اولگوره‌دیلر.
افغانستان مخابراتی خذمتلر تنظیم‌لاوچی اداره باشلیغی نینگ کوپه‌یتریشیچه، یشاوچیلر شکایتلرینی ایشیتیش اوچون 999 و 998 رقم‌لری ایجاد قیلنگن و قیینچی‌لیککه یولیققن پیتده اوشبو رقم‌لرگه قونغیراق قیلیب مشکل‌لرینی حل قیله آله‌دیلر. اونگه کوره، مخابرات وزیرلیگی فایبرنوری انترنتینی ایران، پاکستان و قزاقستان مملکت‌لریدن ساتیب آلینه‌دی، هر 1MB اوچون پاکستانگه 120 دالر، ایرانده 180 دالر و قزاقستانگه 268 دالر توله‌یدیلر و انترنت بهاسی آزه‌یشی بیلن هر 1MB انترنت اوچون 96 دالر پاکستانگه، 144 دالر ایرانگه و 268 دالر قزاقستانگه تولیدیلر.
مخابرات و معلومات وزیرلیگی رسمی‌لریگه کوره، مخابرات و معلومات بولیمی اساسی سکتورلردن بیری بولیب مملکت بویلب ارزشلی ییر آستی یوکسه‌تیش و اوستیریش لایحه‌لریدن سنله‌دی.
