افغانستان بوییچه پاکستان نینگ سابق ایلچی‌سی رستم‌شاه مومند نینگ سلام‌وطندارگه ایتیشیچه، طالبان هیاتی افغانستانلیکلر ارا سوزلشوولر آجنداسینی تعیین‌لش مقصد ده اسلام‌آباد گه سفر قیلگن.
جناب مومند نینگ کوپه‌یتیریشیچه، طالبان هیایتی و پاکستان تشقی ایشلر وزیرلیگی رسمی‌لری اوتگن "سه‌شنبه" کونی اوچره‌شوولریده افغانستانلیکلر ارا سوزلشوولر آجنداسی خصوصیده صحبت قیلگنلر.
اونینگ ایتیشیچه، پاکستان مقام‌لری اوشبو اوچره‌شووده افغانستانلیکلر ارا سوزلشوولر باشله‌نیشی اوستیگه تاکید قیلگنلر.
جناب مومندگه کوره، طالبان گروهی افغانستان جمهور رئیسی محمداشرف غنی‌نی سوزلشوولر آرتده قالیشی‌گه مسوول بیله‌دی و جناب غنی امریکا جمهورلیک ریاستی سلاوی نینگ یولگه قوییلیشی‌نی کوته‌دی دیگنلر.
افغانستان بوییچه پاکستانی سابق ایلچی‌سی نینگ ایتیشیچه، ایکی تامان آتیش‌کیسین خصوصیده آجندا توزه‌تیش چکه‌سیده، محبوس‌لرنینگ قوییب یوباریلیشی و افغانستانلیکلر ارا سوزلشوولر برابریده بولگن موانع کوتاریلیشی خصوصیده بحث قیلگنلر و طالبان هیاتی اوز فکرینی بیان قیلگن.
بیراق، سیاسی ایش بیلرمانلردن بیرقطاری نینگ ایتیش‌لریچه، پاکستان آمریکا و دنیا دن امتیاز آلیش مقصد ده افغانستان تینچلیک سوزلشوولریده میانجی صفتیده عمل قیلیشنی ایسته‌یدی.
طالبان هیاتی پاکستان تشقی ایشلر وزیرلیگی نینگ دعوتی آرقه‌لی، اوشبو مملکت‌گه سفر قیلگن، بیراق سیاسی ایش بیلرمانلردن بیری محب‌الله شریف نینگ ایتیشیچه، پاکستان طالبان اسلامی امارتی‌نی بیر دولت صفتیده کوریش اوچون اوشبو دعوت آی‌اس‌آی تامانیدن صورت تاپگن.
سیاسی ایش بیلرمانلردن باشقه بیری فضل‌الرحمان اوریا نینگ ایتیشیچه، پاکستان حکومتی طالبان گروهی‌دن حمایت قیلیش بیلن افغانستان حکومتی‌نی آمریکا و طالبان آره‌سیده امضا ایتیلگن شرطنامه‌نی عمل گه آشیریلیشی‌گه مجبور قیلیشنی ایسته‌یدی.
طالبان گروهی نینگ 6 کیشی‌لیک هیاتی اوتگن "سه‌شنبه" کونی پاکستان تشقی ایشلر وزیری، اوشبو مملکت استخباراتی باشلیغی و افغانستان بوییچه پاکستان نینگ خاص نماینده‌سی بیلن اوچره‌شگن.
