ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده مملکت نینگ 18 ولایتیده کرونا ویروس دن باشقه 172 ینگی ایجابی واقعه رویخط گه آلینگن.
بو آرهدن ینه هم کرونا ویروس نینگ ایجابی واقعهلریدن کوپینچهسی کابل، هرات، بلخ و قندهار ولایتلریده رویخط گه آلینگن.
بوگون «دوشنبه، 8- ثور» کابلده خبری ییغین اوتکزگن ساغلیقنی سقلش وزیرلیگی سوزلاوچیسی وحیدالله مایارنینگ ایتیشیچه، اوتگن بیر کیچه-کوندوز ده بلخ ده 34 کیشی، هرات ده 33 کیشی، کابل ده 27 کیشی، قندهار ده 21 کیشی، پکتیا ده 8 کیشی، بغلان ده 8 کیشی و قندوز ده 7 کیشی کرونا ویروس گه چلینگن.
شونینگدیک، سرپل و غور ده بیش-بیش کیشی، سمنگان و نیمروز ده تورت-تورت کیشی، فاریاب، ننگرهار، لغمان و خوست ده اوچ-اوچ کیشی، هلمند ده 2 کیشی، پکتیکا و پنجشیر ده بیر-بیر کیشی کرونا ویروس گه چلینگنی بیلگیلنگن.
ینگیلیککه رویخط گه آلینگن واقعهلر شامل 33 ولایتده کرونا ویروس گه چلینگنلرنینگ رقمی 1703 کیشی گه ییتیشگن و بو آرهدن 158 تهسی ساغلیک ایشلاوچیلری بولگن.
ساغلیقنی سقلش وزیرلیگی سوزلاوچیسی وحیدالله مایارنینگ کوپهیتیریشیچه، اوتگن بیر کیچه-کوندوز ده کرونا ویروس گه چلینگن 13 کیشی ساغهیگنی معلوم قیلینگن و بو جملهدن 6 تهسی پکتیادن، 5 تهسی هرات دن و 2 تهسی قندهار دن بولگن و شونینگدیک، اوشبو ویروس نتیجهسیده 7 کیشی جان بیرگن و بو جملهدن 2 تهسی هرات دن، 2 تهسی بلخ دن، 1 تهسی سرپل دن، 1 تهسی کنر دن و باشقه 1 تهسی هم قندهار دن دییلهدی.
اوشبو رقملر شامل مملکت ده کرونا ویروس باعث، جان بیرگنلرنینگ رقمی 57 کیشی بولیب و ساغهیگنلرنینگ رقمی 220 کیشی گه ییتیشگن.
ساغلیقنی سقلش وزیرلیگی سوزلاوچیسی نینگ کوپهیتیریشیچه، مملکت ده کرونا ویروس تیزلیک بیلن رواجلنماقده و او، اهالی دن اویده قالیب و ساغلیک توصیهلری گه جدی شکلده دقت قیلیشلرینی طلب قیلگن.
