افغانستان ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده کرونا ویروس گه شبهه‌لی 118 کیشی دن آلینگن نمونه سیناویده 4 ولایتده 40 کیشی نینگ نتیجه مثبت تشخیص قیلینگن.
اوشبو وزیرلیک‌که کوره، اوتگن بیر کیچه-کوندوز ده کرونا ویروس کسل‌لریدن 22 ته‌سی قیته ساغه‌یگن و باشقه 2 ته‌سی جان بیرگن.
بوگون «دوشنبه، 30- سرطان» ساغلیقنی سقلش وزیرلیگی رسمی‌لری نینگ ایتیشیچه، اوتگن 24 ساعت جریانیده رویخط گه آلینگن ینگی واقعه‌لر شامل مملکت ده کرونا ویروس کسل‌لری نینگ سانی 35 مینگ و 503 کیشی گه آشگن.
ساغلیقنی سقلش وزیرلیگی تامانیدن بیریلگن رسمی رقم اساسیده، حاضرگه‌قدر مملکت ده کرونا ویروس کسل‌لریدن 23 مینگ و 663 ته‌سی قیته ساغه‌یگن و باشقه بیر مینگ و 183 ته‌سی جان بیرگن.
شونینگدیک، دنیاده کرونا ویروس کسل‌لری نینگ سانی 14 میلیون و 646 مینگ کیشی گه ییتیشگن. بو جمله دن 5 میلیون و 89 مینگ دن آرتیغی جان بیرگن و باشقه 8 میلیون و 77 مینگ دن آرتیغی قیته ساغه‌یگن.
