ساغلیق‌نی سقلش وزیرلیگی نینگ ایتیشیچه، اوتگن 24 ساعت جریانیده کرونا ویروس گه شبهه‌لی 709 کیشی‌دن آلینگن نمونه سیناویدن 285 ته‌سی نینگ نتیجه‌سی مثبت تشخیص قیلینگن.
اوتگن بیر کیچه-کوندوز ده رویخط گه آلینگن واقعه‌لردن 161 ته‌سی کابل‌ده رویخط گه آلینگن و کابل دن سونگ، هرات و قندهار ولایت‌لری کوپلب کرونا ویروس گه گواه بولگن.
بوگون «دوشنبه، 22- ثور» خبری بیر ییغینده ساغلیق‌نی سقلش وزیرلیگی نینگ ساغلیک خذمت‌لری بوییچه اورین باسری وحید مجروح نینگ ایتیشیچه، اوتگن 24 ساعت جریانیده رویخط گه آلینگن واقعه‌لر شامل مملکت ده کرونا ویروس گه چلینگن‌لرنینگ رقمی 4687 کیشی گه ییتیشگن.
اونگه کوره، اوتگن بیر کیچه-کوندوز ده کرونا کسل‌لریدن 2 ته‌سی اولگن و باشقه 16 ته‌سی نینگ ساغه‌یگنی معلوم قیلینگن. ساغلیق‌نی سقلش وزیرلیگی تامانیدن بیریلگن رقم اساسیده، حاضرگه‌قدر مملکت ده کرونا ویروس گه چلینگن‌لردن 122 ته‌سی جان بیرگن و باشقه 574 ته‌سی قیته ساغه‌یگن.
وحید مجروح نینگ کوپه‌یتیریشیچه، حاضرگه‌قدر افغانستانده کرونا تهدیدی جدی دیر و خلق بو ویروس گه قرشی کوره‌ش اوچون ساغلیق‌نی سقلش وزیرلیگی نینگ توصیه‌لری گه دقت قیلیب و اجتماعی ساغلیک موضوعلرینی رعایت قیلیش‌لری کیره‌ک.
عین حالده، حاضرگه‌قدر دنیا بویلب 4 میلیون دن آرتیق کیشی کرونا ویروس گه چلینگن و بو جمله دن 283 مینگ دن آرتیق کیشی جان بیرگن و بیر میلیون و 493 مینگ دن آرتیق کیشی قیته ساغه‌یگن.
