ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده کرونا ویروسیگه شبههلی بولگن 619 کیشیدن آلینگن نمونهلردن 259 تهسی ایجابی تانیلگن.
بوگون "چهارشنبه" ساغلیقنی سقلش وزیرلیگی نینگ ساغلیق خذمتلر عرضه قیلیش بولیمی اورین باسری وحید مجروح نینگ خبری بیر ییغینده ایتیشیچه، مذکور 259 واقعه شامل مملکت بوییچه کرونا ویروسیگه چلینگنلرنینگ سانی 5226 کیشیگه ییتیشگن.
اونینگ ایتیشیچه، اوتگن بیر کیچه و کندوز ده بیر داکتر شامل 5 کیشی دنیا دن اوتگن و باشقه 42 کیشی درمانلنگن. ساغلیقنی سقلش وزیرلیگی تامانیدن بیریلگن رقملرگه کوره، حاضرگهقدر کرونا ویروسیگه چلینگنلردن 648 تهسی درمانلنیب و باشقه 132 تهسی جان بیرگن.
جناب مجروح نینگ کوپهیتیریشیچه، اوتگن 24 ساعت جریانیده 49 واقعه بلخ، 29 واقعه قندهار، 27 واقعه کابل، 25 واقعه تخار، 23 واقعه ننگرهار، 22 واقعه هرات، 10 واقعه کنر، 10 واقعه پروان، 8 واقعه بادغیس، 7 واقعه جوزجان، 6 واقعه بغلان، 6 میدانوردک، 6 واقعه لوگر، 5 واقعه دایکندی، 5 واقعه پنجشیر، 4 واقعه فاریاب، 3 واقعه زابل، 3 واقعه قندوز، 3 واقعه نیمروز، 2 واقعه فراه، 2 واقعه هلمند، 2 واقعه بامیان، 1 واقعه غور و باشقه بیر واقعه لغمان ولایتیده قید ایتیلگن.
گزارشلرگه کوره، حاضرگهقدر دنیا بوییچه 2 میلیون و 342 مینگ کیشی کرونا ویروسیگه چلینگن و بو جملهدن 292 مینگ کیشی جان بیریب و باشقه 1 میلیون 602 مینگ کیشی درمانلنگن دیر.
