ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده 261 شبههلی واقعه اوشبو وزارت آزمایشگاهلریده سیناودن اوتکزیلگن و بو جملهدن 84 واقعه ایجابی تانیلگن.
ساغلیقنی سقلش وزیرلیگی سوزلاوچیسی وحیدالله مایار نینگ ایتیشیچه، اوتگن 24 ساعت جریانیده کابل، ننگرهار، کندهار، نیمروز، زابل، هلمند، هرات، غزنی، کاپیسا، کنر، پروان، بامیان، لغمان، پکتیا و فراه ولایتلریده 84 کیشی کرونا ویروسیگه چلینگن.
جناب مایارگه کوره، اوشبو 84 ایجابی واقعه شامل مملکتده کرونا ویروسیگه چلینگنلرنینگ سانی 1176 کیشی کوپهیگن.
ساغلیقنی سقلش وزیرلیگی سوزلاوچیسی نینگ کوپهیتیریشیچه، کرونا ویروسیگه چلینگنلردن حاضرگهقدر 40 تهسی دنیا دن اوتیب و باشقه 166 تهسی درمانلنگن دیر.
ساغلیقنی سقلش وزیرلیگی سوزلاوچیسی نینگ کابلده کرونا ویروسیگه چلینگنلرنینگ سانی کوپهیشیدن خواطر بیلدیریب ایتیشیچه، باشکنت یشاوچیلری ساغلیک توصیهلر و اجتماع ده فاصله قویشنی رعایت قیلمهگن صورتده، کته انسانی فاجعه یوز بیریشی ممکن.
عینحالده، هرات ولایتی بوییچه ساغلیقنی سقلش ریاستی سوزلاوچیسی محمدرفیق شیرزی نینگ ایتیشیچه، اوتگن 24 ساعت جریانیده، 40 شبههلی واقعه هرات آزمایشگاهیگه سیناودن اوتکزیلگن و بو جملهدن 3 واقعه ایجابی تانیلگن.
جناب شیرزی نینگ کوپهیتیریشیچه، حاضرده کرونا ویروسیگه شبههلی 70 کیشی نتیجهلرینی کوتماقدهلر و اولرنینگ نتیجهسینی کیلهسی 24 جریانیده بیللی بولیشی ممکن.
