بوگون "چهارشنبه" ساغلیق‌نی سقلش وزیرلیگی سوزلاوچیسی وحیدالله مایار نینگ کابل‌ده خبری بیر ییغینده ایتیشیچه، اوتگن 24 ساعت جریانیده مملکت 10 ولایتیده 110 ایجابی واقعه قید ایتیلگن.
جناب مایارگه کوره، بو جمله‌دن 58 واقعه کابل، 15 واقعه قندهار، 12 واقعه پکتیا، 6 واقعه غزنی، 5 واقعه لغمان، 5 واقعه ننگرهار، 3 واقعه تخار، 3 واقعه فراه و باشقه بیر واقعه قندوز ولایتیده قید ایتیلگن.
ساغلیق‌نی سقلش وزیرلیگی سوزلاوچیسی نینگ کوپه‌یتیریشیچه، مملکت بوییچه حاضرگه‌قدر 1939 کیشی کرونا ویروسی‌گه چلینگن.
عین‌حالده، هرات ولایتی بوییچه ساغلیق‌نی سقلش ریاستی سوزلاوچیسی محمدرفیق شیرزی نینگ سلام‌وطندارگه ایتیشیچه، اوتگن 24 ساعت جریانیده کرونا ویروسی‌گه شبهه‌لی ایکی ایرکک و 35 یاشر بیرعیال جان بیرگن.
جناب شیرزی نینگ کوپه‌یتیریشیچه، اوشبو ولایت نینگ آزمایشگاهی‌ده تخنیکی قیین‌چیلیک چیقگنی باعث، شبهه‌لی واقعه‌لرنینگ نتیجه‌سی بیللی بولمه‌گن.
ایتیلیشیچه، حاضرگه‌قدر کرونا ویروسی‌گه چلینگن‌لردن 61 ته‌سی دنیا دن اوتیب و باشقه 200 ته‌سی درمانلنگن دیر.
