ساغلیق‌نی سقلش وزیرلیگی نینگ ایتیشیچه، اوتگن 24 ساعت جریانیده مملکت 13 ولایتیده 171 ایجابی واقعه قید ایتیلگن.
ساغلیق‌نی سقلش وزیرلیگی نینگ ساغلیک خذمت‌لر عرضه قیلیش بولیمی اورین باسری وحید محروج نینگ ایتیشیچه، اوتگن بیر کیچه و کندوز ده 34 واقعه کابل، 45 واقعه هرات، 16 واقعه قندهار، 18 واقعه پکتیا، 10 واقعه غزنی، 15 واقعه بادغیس، 13 واقعه بامیان، 9 واقعه میدان‌وردک، 3 واقعه پنجشیر، 3 واقعه بدخشان، 2 واقعه لوگر، 2 واقعه زابل و باشقه بیر واقعه خوست ولایتیده قید ایتیلگن.
اوشبو ینگی واقعه‌لر شامل مملکت بوییچه کرونا ویروسی‌گه چلینگن‌لرنینگ سانی 3563 کیشی‌گه کوپه‌یگن.
جناب مجروح نینگ کوپه‌یتیریشیچه، اوتگن 24 ساعت جریانیده کرونا ویروسی‌گه چلینگن ایکی کیشی جان بیریب و باشقه 8 کیشی درمانلنگن دیر. ساغلیق‌نی سقلش وزیرلیگی تامانیدن بیریلگن رقم‌لرگه کوره، حاضرگه‌قدر کرونا ویروسی‌گه چلینگن‌لردن 106 ته‌سی دنیا دن اوتیب و باشقه 468 ته‌سی درمانلنگن دیر.
ایتیلیشیچه، حاضرگه‌قدر دنیا بوییچه 3 میلیون و 822 مینگ کیشی کرونا ویروسی‌گه چلینگن و بو جمله‌دن 265 مینگ کیشی دنیا دن اوتیب و باشقه 1 میلیون 302995 کیشی درمانلنگن.
