بوگون «چهارشنبه» کابل‌ده عیاللر وزیرلیگی‌نینگ آلتی آیلیک یوتوقلری توغریسیده معلومات بیریش نیت‌ده یولگه قوییلگن ییغینده مذکور وزیرلیک سوزلاوچیسی رویا دادرس‌نینگ ایتیشیچه، مملکت‌ده قانونی یاش‌دن قویی تورموش قوریش میزانی 10% کمه‌یگن.
خانم دادرس گه کوره، بو رقم یونیسف یا-ده بیرلشگن ملت‌لر تشکیلاتی‌نینگ باله‌لردن حمایت قیلیش صندوقی و ایش، اجتماع، شهیدلر و ناگرانلر وزیرلیگی تامانیدن یولگه قوییلگن فکر اورگه‌نیش اساسیده قولگه کیلگن.
اوشبو فکر اورگه‌نیش اساسیده، عایله‌لردن 78% نینگ ایتیشیچه، قانونی یاش‌دن قویی تورموش قوریش مسئله‌سی توغریسیده آته‌لر قرار قیله‌دی و شونینگدیک، اوشبو فکر اورگه‌نیش‌ده اشتراک قیلگن عایله‌لرنینگ 55% نی ایتیشیچه، تورموش قوره‌دیگن کیشی هم صحبت قیلیشی لازم.
دادرس‌نینگ کوپه‌یتیریشیچه، اوشبو وزیرلیک اوتگن 6 آی جریانیده، تورموش‌لرنی رویخط‌گه آلیش مقرره و مالکیت و میراث حقی‌گه عیاللر قول تاپیش پالیسی توزه‌تگن و شونینگدیک، مرکز و ولایت‌لرده 20 ساغلیک و روحی مصلحت بیریش مرکز ایجاد قیلگن.
