افغانستانده شیعه عالم‌لر کینگشی باشلیغی، جهادی، مذهبی رهبر و شیعه‌لرنینگ تقلیدی منبع‌لریدن بیری آیت‌الله محمدآصف محسنی، دوشنبه دن سه‌شنبه گه اوتر کیچه چالینگن کسل‌لیگی باعث، 84 یاشیده عالم‌دن اوتدی.
جناب محسنی افغانستان و اسلام دنیاسی نینگ اورته حرکت‌لی عالم‌لریدن بیری ایدی. او، ینگی عصر بیلیمی ایرکک‌لر و عیاللر تامانیدن اورگنیلیشی اوستیگه تأکید قیلردی.
آیت‌الله محمدآصف محسنی نینگ اولیمی مملکت ده کوپینچه عکس‌العمل‌لرگه همراه بولدی.
جمهورلیک ریاست سرایی، بیر خبرنامه‌ده آیت‌الله محمدآصف محسنی نینگ اولیمی نی اسلام دنیاسی اینیقسه مملکت ده کته بیر ضایع بیلیب و ایتیشیچه، جناب محسنی نینگ شخصیتی نیک ایدی و افغانستانده جهاد یوتوقی کوپلب سعی و حرکت قیلگن.
شونینگدیک، مملکت اجراییه ریاستی بیر خبرنامه ده ایتیشیچه، آیت‌الله محمدآصف محسنی، تانیقلی شخصیت، عالم، جهاد رهبری و اسلام دنیاسی نینگ اندیشه‌لی و بویوک‌لریدن بیری ایدی.
عین حالده، جمهور رئیس ایکینچی اورین باسری هم بیر خبرنامه ده جناب محسنی نینگ اولیمی نی افغانستان دینی جماعه‌سیده کته بیر ضایع بیلیب و ایتیشیچه، او، جهاد دورانیده اسلامی حرکت حزبی نینگ قوریلیشی گه اساسی رول اوینه‌گن.
آیت‌الله محمدآصف محسنی، قویاش 1314- ییل، قندهار ولایتیده دنیاگه کیلگن و بوگون کابل ده جایلشگن خاتم‌النبین مسجدی ده توپراققه تاپشیریلدی.
