بیرلشگن ملت‌لر تشکیلاتی «افغانستان وضعیتی و خوفسیزلیک و تینچلیک اوچون پیاملری» نامی‌ده ترقه‌تگن ینگی بیر گزارش‌ده ایتیشیچه، میلادی 2018- ییل‌گه نسبتن خودکش هجوملر میزانی 70% کمه‌یگن.
بیرلشگن ملت‌لر تشکیلاتی نینگ گزارشی‌ده کیلیشیچه، جاری میلادی ییل، 8- فبروری دن 9- می گچه افغانستان بویلب 5339 واقعه یوز بیرگن و بو رقم میلادی 2018- ییل‌گه نسبتن 70% کمه‌یگنینی کورسته‌دی.
بیرلشگن ملت‌لر تشکیلاتی نینگ گزارشی اساسیده، افغانستان جنوبی منطقه‌لری کوپینچه هجوملر و امنیتی واقعه‌لرگه گواه بولگن و اوندن سونگ، شرقی و غربی منطقه‌لر ایکینچی و اوچینچی درجه‌لرده توخته‌گن.
اوشبو گزارش‌ده بشری وضعیت بولیمی‌ده ایتیلیشیچه، افغانستان اوروشلر نتیجه‌سیده کوپلب قربانلیک بیرگن.
شونینگدیک، اوشبو گزارش‌ده کیلیشیچه، افغانستان سیاسی وضعیتی تینچلیک سوزلشوولری و سیلاولر کمیسیونلریده ینگی کیشی‌لر تنلنیشی گه قره‌گنده، حاضرهم ثبات‌سیز دیر.
اوشبو گزارش‌ده بیرلشگن ملت‌لر تشکیلاتی نینگ باش کاتبی انتونیو گوترش، سیاسی، خوفسیزلیک، انسان حقوقی، منطقه‌یی همکارلیک‌لر، تینچلیک سعی و حرکت‌لری، مهاجرلر، بدرغه‌لر و مخدره ماده گه قرشی کوره‌ش وضعیتی توغریسیده معلومات بیرگن.
شونینگدیک، بو گزارش‌ده بیرلشگن ملت‌لر تشکیلاتی نینگ باش کاتبی، افغانستان نینگ اوتگن 17 ییل‌لیک یوتوقلری سقله‌نیشی اوستیگه تأکید قیلگن.
