.jpg)
بوگون «دوشنبه» افغانستان بیلیم اکادمیه‌سی، اسلامی شریعت یاغدولیگی‌ده تیلم‌چیلیک و کم‌بغل‌لیک آلدی آلینیشی اوچون ییچیم یوللر نامی‌ده ییغین یولگه قویدی.
افغانستان بیلیم اکادمیه‌سی اسلامی بیلیم بولیم اعضاسی شیرعلی ظریف نینگ ایتیشیچه، مملکت‌ده درآمد کمه‌یگنی، ناتوغری مدیریت، فساد، اوروش دوامی و جمعیت کوپه‌ییشی باعث، کم‌بغل‌لیک تیلم‌چیلیک کوپه‌یگن.
جناب ظریف گه کوره، قطار کیشی‌لر سعودی عربستان جمعیت کوپه‌ییشی آلدی آلینمه‌سی توغریسیده بیرگن فتوانی افغانستانده تطبیق ایتیلیشی‌نی ایسته‌یدی؛ عین حالده، سعودی عربستان‌نینگ ییل‌لیک درآمدی 700 میلیارد دالردن آرتیق بوله‌دی. جناب ظریف نینگ ایتیشیچه، میلادی 2050- ییل‌گچه افغانستان جمعیتی اوچ برابر کوپه‌ییشی ممکن.
.jpg)
بیلیم اکادمیه‌سینی اسلامی بیلیم بولیمی‌نی باشقه بیر اعضاسی سیدحبیب شاکرنینگ ایتیشیچه، کم‌بغل‌لیک، ایش‌سیزلیک، حکومت تامانیدن ایش تاپیش اوچون خاص برنامه‌لر یوقلیگی و ایکینچیلیک ییرلر عدالت‌سیزلیک شکلده ترقه‌تیلیشی مملکت‌ده تیلم‌چیلیک‌که سبب بولگن و حکومت بو توغریده جدی شکلده دقت قیلیشی لازم. جناب شاکرگه کوره، حکومت و ثروتمندلر کم‌بغل‌لیک آلدی آلینیشی اوچون کم‌بغل کیشی‌لرنی ایش بیلن تأمین قیلیشی کیره‌ک.
دنیا معیارلری اساسیده، هر بیر کیشی آیی‌ده 2060 افغانی درآمد قولگه کیریتگن صورتده، کم‌بغل ایمس و کیشی‌لر آیی‌ده 2 مینگ افغانی‌دن آز درآمد قولگه کیریتگن صورتده، کم‌بغل دییله‌دی.
میلادی 2014- ییل‌ده اوتکزیلگن تدقیقات اساسیده، افغانستان اهالیسی‌دن 54% آیی‌ده 2060 افغانی درآمد قولگه کیریته‌دی ایکن؛ بیراق کم‌بغل‌لیک و ایش‌سیزلیک باعث، بو رقم کوپه‌یگن.
