آمریکا مرکزی قومندانلیک باشقرمه‌سینی باشلیغی جوزف ووتل‌نینگ ایتیشیچه، داعش گروهی آمریکانینگ برابریده جدی بیر قیین‌چیلیک‌که اوزگرگن و بو مملکت بیلن ایرکین شکلده اوروشیش اوچون سعی و حرکت قیله‌دی.
بیراق، سیاسی ایش بیلرمانلردن بیرقطاری‌نینگ ایتیشیچه، آمریکاده ایریم تشکیلات‌لر مذکور مملکت‌نینگ حربی کوچلری افغانستانده بولیشی‌نی ایسته‌یدی و شو یوزه‌دن داعش گروهی‌نی کته قیلیب کورسته‌دیلر.
حربی ایش بیلرمانلردن بیری عتیق‌الله امرخیل‌نینگ ایتیشیچه، بوندن آلدین آمریکالیک رسمی‌لر نیچه مرته داعش گروهی افغانستانده یوق ایتیله‌یاتگنینی ایتگن؛ بیراق حاضر آمریکا، افغانستاندن چیقیش‌نی ایستمه‌یدی و شو یوزه‌دن افغانستانده داعش گروهی‌نینگ فعالیتی‌نی ایلگریدن آرتیق دییدی.
سیاسی ایش بیلرمانلردن باشقه بیری اکبرجان فولادنینگ ایتیشیچه، افغانستانده‌گی داعش جنگریلری سوریه و عراق ده جایلشگن گروه ایمس دیر، بلکیم بو گروه پاکستان حربی‌سی تامانیدن توزه‌لگن.
شو توغریده…
داعش گروهی‌نینگ قومندانلری کیچیک باله‌لر بیلن تورمیش قورگن
داعش تشکیلاتیده‌گی باله‌لر پرده آرقه‌سیده‌گی سِرلرنی فاش قیله‌دیلر
داعش گروهی‌نینگ استخباراتی مسؤولی و 27 اعضاسی هلاک ایتیلگن
جناب فولادگه کوره، پاکستان حربی‌سی نیچه آی آلدین، چیگره‌نی او تامانیده قطار کیشی‌لر‌نی طالبان گروهی‌نینگ نابود قیلیش اوچون ایجاد قیلدی و اولرنی افغانستان گه یوباردی و حاضر داعش نامی‌ده اوروشه‌دیلر.
اکبر فولادنینگ ایتیشیچه، پاکستان و منطقه مملکت‌لریدن بیرقطاری، افغانستانده اوروش یکونله‌نیشی‌نی ایستمه‌یدیلر.
آمریکا مرکزی قومندانلیک باشقرمه‌سینی باشلیغی، افغانستانده داعش گروهی‌نینگ فعالیتی کینگه‌یگنی خصوصیده خواطر بیلدیریشیدن آلدین، آمریکا جمهور رئیسی دونالد ترامپ نینگ ایتیشیچه، افغانستانده حربی کوچلری‌نی کمه‌یتیریب و طالبان گروهی بیلن تینچلیک سوزلشوولری گه دوام بیره‌دی.
